#privacidade #correoelectrónico #gmail

estou mirando o borrador da declaración da renda e, entre outras cousas, inclúo as doazóns feitas a diferentes entidades que desgravan ao facer o cálculo (unicef, unrwa,...). Cada unha destas organizacións envíache un correo electrónico que inclúe unha ligazón a un pdf coa certificación da doazón realizada. Para ver ese documento non precisas credenciais, só premer na ligazón. Só se tes a ligazón podes acceder ao documento, sobrenténdese que só ti tes acceso ao teu correo.

Emporiso...

Se esas organizacións (4 este ano) enviasen dito correo a unha conta de gmail (ou calquera outro provedor que non cifre a túa caixa de correo con claves que só ti posúes) o teu provedor de correo, e os 1315 partners con quen a comparte  , tería acceso á mesma información.

Google sabe que son un «antisionista» e que me da ansiedade ver os neniños morrer. Queda anotado, para cando fose necesario, sexa pedir un crédito para mercar un Tesla ao Banco Internacional de Israel na Diáspora; ou dicirlle ás outras 53 ONGs ás que non contribúo (e que lle pagan a google) que igual me poden chamar na hora da sesta para ver se me pillan de bo humor e me apiado dos seus neniños e lles fago tamén unha doazón.

Se esta mensaxe non che di nada entón, parabéns!!   Sigue vivindo feliz  , non coma outros  O mesmo podo dicir dos resultados de probas médicas, as avaliacións que recibes do traballo, as facturas do avogado laboralista, as cuotas do sindicato, a consulta para o tratamento psicolóxico, as tres veces que levaches ao neno ao médico este mes,o resumo dos gastos da tarxeta de crédito, o aviso de renovación do carné do puticlub ...só tes que mirar o teu correo. Menos mal que non tes nada que ocultar e llo contas todo a google, que non á túa parella.