Ruiz de Infante, Amantegi eta Arroitajauregi, Mendozako (Argentina) XI. Munduko Pilota txapelketarako prest

Gaur goizean aurkeztu dute Abadiñon Argentinako Mendozan jokatuko den Munduko Pilota Txapelketan lehiatuko den Euskal Pilota Selekzioa. Apirilaren 6tik 12ra bitartean jokatuko da CIJB erakundeak antolatu duen lehiaketa; hamaikagarren edizioa du, eta egutegiko hitzordu garrantzitsuenetakoa da askorentzako. Euskal ordezkaritzak modalitate guztietan parte hartuko du, eta txapelketa honetarako 31 pertsonako delegazioa prestatu du, eta tartean, Ainhoa Ruiz de Infante otxandiarra, Egoitza Amantegi abadiñarra eta Ibai Arroitajauregi iurretarra daude.