2025ean delitu kopuruak behera egin du Debabarrenean - Debabarrena - Barrena.eus

Debabarreneko delitu kopuruak beheranzko joera hartu du 2025. urtean zehar. Ondorio horixe atera dute Eibarko ertzain-etxean iazko datuak aztertuta: 2025ean, guztira, 3.028 delitu penal erregistratu ziren Debabarrenean, 2024an zenbatutako 3.166 delituak baino %4 gutxiago. Jose Martin Zubiate ertzainburuaren esanetan, "jaitsiera, txikia izan arren, esanguratsua da, azken urteetako joera hausten duelako".