Morgannwg yn talu teyrnged i ddau o’r hoelion wyth ar ddechrau’r tymor criced

Bydd Morgannwg yn talu teyrnged i ddau o’u hoelion wyth fory (dydd Gwener, Ebrill 3), gyda munud o gymeradwyaeth ar ddiwrnod cynta’r tymor. Bu farw Hugh Morris, cyn-gapten a chyn-Brif Weithredwr y clwb, yn 62 oed ym mis Rhagfyr yn dilyn salwch hir, a John Williams, cadeirydd Orielwyr San Helen, yn 84 oed ym mis Chwefror yn dilyn salwch byr.