Soraluzeko PSE-EEren esanetan, Soraluze eta Maltzaga arteko bidegorria egiteko "konpromiso eztabaidaezina" erakutsi du Asensio diputatuak - Soraluze - Barrena.eus

Soraluzeko alderdi sozialistak, prentsa ohar bitartez, "poza" erakutsi du Soraluzetik Maltzagara bitartean egin asmo duten bidegorri-proiektua "errealitate" bihurtuko delako. Jose Ignacio Asensio diputatuak azpiegitura hori egiteko hartu duen “konpromiso eztabaidaezina” nabarmendu du Patricia Borinaga bozeramale sozalista soraluzetarrak. Hark gaineratu duenez, konpromiso horrek oso diru-ordainketa handia ekarriko du -5 milioi euro baino gehiago-, eta “soraluzetarrekiko konpromismoa” ere erakutsiko du Asensiok, udalerriaren “aldarrikapen historiko” bat den bidegorri zati hori eraikiz.