Azpeitiko eta Zestoako zaintzako bi proiektu aurkeztu dituzte Hariak-Korale jardunaldian

Gipuzkoako hemeretzi udalerritan, Adinberri-Haria deialdiaren bidez, hamabi proiektu bultzatu ditu foru aldundiak. Egitasmo horiek nahi ez den bakardadearen prebentzioan ia 14.000 pertsonarengan izan dute eragina azken bi urteetan, aldundiaren arabera. Horietako proiektuetako bat Zaintza emozionaleko eredu berritzaileak Azpeitiko toki administrazioen ikuspegitik proiektua izan da, eta beste bat, Zestoako Zaintza Sarearen Kaixo Adiskide! proiektua.