Aurrekontu parte hartzaileen prozesuan aurreikusitakoa baino proiektu txiki gehiago egingo ditu udalak - Urola kosta - Azkoitiaguka.eus

Ur parkearen proiektura 229.000 euro bideratuko ditu udalak, eta "proiektu handi" horretara bideratutako zenbatekotik 21.000 euro gastatzeke geldituko direnez, proiektu txiki gehiago egiteko baliatuko ditu erakundeak. Besteak beste, Aizkibel kalean zebra bidea egitera, Elkargunean bizikletentzako aparkalekuak jartzera nahiz txakurrentzako iturriak jartzera bideratuko dituzte 21.000 euro horiek. Atzoko udalbatzarreko gai garrantzitsuena hori izan zen, baina ika-mika txiki bat ere izan zen galdera-erreguen tartean.