Markel Fernandez sopeloztarra pozik azaldu da munduko txapelketan lortutako zilarragaz

Atleta gazteak Basque Team Zentrora itzuli berritan aurkeztu du pista estaliko Munduko Txapelketan lortutako zilarrezko domina, Torunen (Polonia) jokatutako 4x400 metroko errelebo mistoan. Fernandez Loiuko aireportutik zuzenean heldu da Getxoko zentrora, eta bertan egin diote harrera Olatz Legarza Basque Team Fundazioko koordinatzaileak eta eguneroko prestakuntzan laguntzen dioten talde biomediko-teknikoko kideek, Iago Hermida entrenatzailearen gidaritzapean.