‘Cyfraniad unigryw i hanes modern Cymru’: Teyrngedau i’r hanesydd a’r awdur Peter Stead

Bu farw’r hanesydd, awdur a darlledwr uchel ei barch yr Athro Peter Stead yn 83 mlwydd oed. Cafodd ei eni yn y Barri yn 1943 ac fe symudodd y teulu i Dre-gŵyr ger Abertawe yn ystod ei arddegau. Astudiodd Hanes ym mhrifysgol Abertawe pan oedd yr Athro Glanmor Williams yn ddarlithydd yn yr adran, a daeth yntau’n uwch-ddarlithydd Hanes yno maes o law.