Txantxiku Arkulariak taldeak 25 urte bete ditu

2000. urtean sortu zen Txantxiku Arkulariak taldea Oñatin. Sasoi hartan, Larraña institutuko kantxan egindako ikastaro batzuen ondorioz pentsatu zuten taldea sortzea. Gaur egun, 15 kidek osatzen dute taldea, eta martitzenetan eta egubakoitzetan batzen dira, 18:00etatik 20:00etara bitartean. Urtean zehar, aretoan, aire zabalean eta basoan aritzen dira lehian.