غني يا سمسمية
برصاص البندقية
وكل إيد قوية
حاضنة زنودها المدافع

غني للمدافع
واللي وراها بيدافع
ووصي عبد الشافع
يضرب بالطلقة مية

غني للجنود
لسمير وعلي ومسعود
وغباشي لاجل يعود
وفي ايده النصر هدية

غني لكل عامل
في الغيط والمعامل
بيأدي واجبه كامل
وادي له وردة هدية

غني لكل دارس
في الجامعة والمدارس
لمجد بلاده حارس
من غدر الصهيونية

غني يا سمسمية - SoundCloud
Listen to غني يا سمسمية by islameg92 on #SoundCloud
https://on.soundcloud.com/oHKOrWHYZAyHec0Crt