"Herrikoak gara eta komunitatea lantzen dugu; horrek ematen digu indarra" - Elorrio - Anboto.org

Solozabal altzari eta dekorazio dendako arduraduna da Iratxe Solozabal, eta Malda Bikes bizikleta dendako kidea Iratxe Mediavilla. Inma Gallegok tokiko elikagaiak saltzen ditu Anbotopeko dendan, eta Ana Larreak urte ugari darama Japi arropa eta osagarri denda zuzentzen, Izaskun Agirrek daraman beste Izara tapaki, barruko arropa eta izara dendan. Bostak EMEko kide dira eta elkartearen 25. urteurrena ospatuko dute gaur, barikua, egungo eta iraganeko dendariekin.