Igandean bi argitalpenen aurkezpena eta Eñaut Elorrietaren kontzertua izanen dira Amaiurren

Amaiurko Arkeologia museoa Etxeberria etxetik Agerreara eramateko lanetan ari zirela jakin genuen joan duela egun batzuk Xabi Ertze gidari eta langilearekin solastatu ginenean. Amaiurko Gaztelua Fundazioak Baztango udalaren laguntzarekin, memoria historikoa berreskuratzeko eta kultur jarduerak bultzatzeko helburuekin Eñaut Elorrieta kantari eta musikari ezagunaren kontzertua eta bi libururen aurkezpena antolatu ditu iganderako.