[1/...]
O movemento internacional Boicot, Desinvestimento e Sancións (BDS) xorde para denunciar e combater o sistema de apartheid e colonización que o Estado de Israel impón sobre o pobo palestino.
A nosa loita é transparente: empregamos ferramentas de presión social contra empresas e institucións que sosteñen economicamente ou lexitiman ese réxime de opresión.
[2/...]
Unha desas empresas é McDonald’s, que mantén acordos directos coa ocupación israelí: ofrece descontos ás forzas armadas de Israel, establece restaurantes en colonias ilegais e publicita activamente o seu apoio ao exército ocupante. Mentres o pobo palestino sofre bombardeos, expulsións, fame e asasinatos diarios, McDonald’s contribúe a normalizar a violencia contra Palestina e a reforzar a maquinaria do sionismo.
[3/...]
Agora, esta multinacional decidiu denunciar un compañeiro da nosa organización en Vigo, tentando intimidar e silenciar a quen alzamos a voz contra a súa complicidade co xenocidio. Esta denuncia é un ataque non só contra unha persoa, senón contra todo o movemento solidario con Palestina. É un intento de criminalizar a solidariedade internacionalista e de silenciar a denuncia dos crímenes do Estado sionista.
[4/4]
Desde BDS Galiza Vigo denunciamos esta represión e reafirmamos que non imos calar. A defensa dos dereitos do pobo palestino non é delito: é unha obriga ética e política.
Chamamos a participar na concentración diante da Cidade da Xustiza de Vigo este venres día 12 ás 10:45 h.
Non á represión, non á complicidade co sionismo, Palestina vencerá
BDS Galiza