娛壹 as1.entertainment on Instagram: "李珊珊X衛詩雅 素未謀面 十年前託朋友傳話送上鼓勵 衛詩雅感激 「你救咗我好多次！點解會知我呢個人？我當時只係small potato 。」 李珊珊眼濕濕 「因為我都俾人扶過，一個鼓勵一個認同係好緊要。」 #李珊珊 復出後成立的 #YouTube 頻道《 #三坐山MountTrio 》，每星期三晚由她主持的直播節目《 #珊珊大爆發 》有不少支持者，繼上星期因緣際會請來 Theresa #傳穎 做嘉賓，昨（16日）晚，請來未見過面卻已「認識」的 Michelle #衛詩雅 做直播。 珊珊與Michelle一見面即點頭握手，Michelle直說：「我哋終於見面喇！」珊珊說很開心，然後由Michelle講出二人的淵源，「其實嚟之前，經理人已經問我點解會識你，我話又唔叫做識，又唔叫做唔識。」Michelle望着珊珊，手拖着她，說：「我要好多謝你，你救咗我好多次！點解呢？其實喺好多年前，我嘅路都唔容易，好多時候我都唔肯定自己。」 Michelle憶述當年迷惘的時候，收到了珊珊的訊息，「其實我哋係唔識，我哋中間有一個朋友，個朋友當時畀咗段說話我『同珊珊傾開偈，佢託我畀句說話你，叫衛詩雅努力，我覺得佢得嘅』。我當時係，嘩，點解佢會知我呢個人？我當時只係small potato！」Michelle透露當時有珊珊的鼓勵感到很開心，原來自己的努力，是有人會看到的。 【隔一段時間就會收到珊珊嘅鼓勵】 珊珊聽到Michelle所說，感性起來眼濕濕，透露自10年電影《 #囡囡 》已開始留意Michelle，「呢個女仔又靚，愈少對白愈難做，你係好入戲，好難掌握到！」Michelle再次感謝珊珊，「你係唔只一次鼓勵我，係隔一段時間就會收到你嘅鼓勵，咁啱每次我都係有唔肯定嘅時候！個天真係對我好好，可能感覺到我唔肯定，跟住你就會嚟救我。」 珊珊眼泛淚光說：「因為我都俾人扶過，一個鼓勵一個認同係好緊要，如果冇呢一下係好難咬上去，我係有靈感係唔係要同衛詩雅講兩句呢？咁就轉達又轉達，咁就認識咗！」見到今日的Michelle，在影壇上已嶄露頭角，珊珊直言有點激動，「終於等到今日喇！搞到我都眼濕濕！」 六年前，Michelle開設YouTube頻道拍飲食節目《 #衛食攻略 》，結果殺出條血路，Michelle指當時因為疫情無工開，「公司同事話我冇嘢做，不如試下啦，咁啱疫情啲人冇得出去，又鍾意食嘢，都係嗰句，唔好見到希望先去堅持，係堅持先會見到希望！」 珊珊讚Michelle是個識得打逆境戰的人，遇強越強，Michelle說：「當然逆境嘅時候都會唔開心、有質疑自己嘅時候，但係我轉換心態轉得好快，我識得打逆境波係因為我未必會去解決個問題，我係好叻跳過個問題！」Michelle形容，就如前路有塊大石阻着前進，很多人會去想怎去整爛塊石，而她卻會選擇繞路行，「唔打爛兜遠少少都會去到終點，點解一定要解決個問題，唔解決都得，我行遠啲囉！」 【相約食牛歡喜】 珊珊常看《衛食攻略》，直指Michelle冇偶包，「你好鍾意食雞子？你真係慢慢咬！」Michelle答，「好鍾意食雞子㗎！你食唔食？」珊珊點頭，Michelle又問，「你食唔食牛歡喜？牛鞭？」珊珊掩嘴說：「其實咩嘢都擺得落口！」Michelle說：「我未食過牛歡喜，有少少想試下。」珊珊說：「應該係爽嘅，嗰度應該係緊緻嘅！唔會攞啲鬆嘅嚟賣！」二人大笑，並相約搵日一起去食，順便當拍《衛食攻略》。 電影《破·地獄》令Michelle得到七個不同國家的電影節頒發的「最佳女演員」獎項，入行十七年，試過在低谷生存，看過很多人情冷暖，Michelle說：「而家得到嘅時間係啱啱好，我唔鍾意蝦人，我唔可以話我俾人蝦過，但以前個位會睇到好多，會睇到啲人係點對人，我係同自己講，一定唔可以變成呢類人！」珊珊很認同，「我明，最紅嗰啲冇人敢惹，要蝕底或俾人欺負嘅，通常係中間或最基本嗰堆，你觀察力又強，會反問自己『日後如果去到呢個位，會唔會咁對人呢』，你會同自己講，唔會想做自己眼中討厭嘅人。」 由於珊珊與Michelle的對談內容很長，當中有很多關於Michelle同家人間發生的趣事，又講及《 #風林火山 》，有興趣的可以去珊珊的YouTube頻道《三坐山Mount Trio》睇片！ #娛壹"

583 likes, 1 comments - as1.entertainment on April 17, 2025: "李珊珊X衛詩雅 素未謀面 十年前託朋友傳話送上鼓勵 衛詩雅感激 「你救咗我好多次！點解會知我呢個人？我當時只係small potato 。」 李珊珊眼濕濕 「因為我都俾人扶過，一個鼓勵一個認同係好緊要。」 #李珊珊 復出後成立的 #YouTube 頻道《 #三坐山MountTrio 》，每星期三晚由她主持的直播節目《 #珊珊大爆發 》有不少支持者，繼上星期因緣際會請來 Theresa #傳穎 做嘉賓，昨（16日）晚，請來未見過面卻已「認識」的 Michelle #衛詩雅 做直播。 珊珊與Michelle一見面即點頭握手，Michelle直說：「我哋終於見面喇！」珊珊說很開心，然後由Michelle講出二人的淵源，「其實嚟之前，經理人已經問我點解會識你，我話又唔叫做識，又唔叫做唔識。」Michelle望着珊珊，手拖着她，說：「我要好多謝你，你救咗我好多次！點解呢？其實喺好多年前，我嘅路都唔容易，好多時候我都唔肯定自己。」 Michelle憶述當年迷惘的時候，收到了珊珊的訊息，「其實我哋係唔識，我哋中間有一個朋友，個朋友當時畀咗段說話我『同珊珊傾開偈，佢託我畀句說話你，叫衛詩雅努力，我覺得佢得嘅』。我當時係，嘩，點解佢會知我呢個人？我當時只係small potato！」Michelle透露當時有珊珊的鼓勵感到很開心，原來自己的努力，是有人會看到的。 【隔一段時間就會收到珊珊嘅鼓勵】 珊珊聽到Michelle所說，感性起來眼濕濕，透露自10年電影《 #囡囡 》已開始留意Michelle，「呢個女仔又靚，愈少對白愈難做，你係好入戲，好難掌握到！」Michelle再次感謝珊珊，「你係唔只一次鼓勵我，係隔一段時間就會收到你嘅鼓勵，咁啱每次我都係有唔肯定嘅時候！個天真係對我好好，可能感覺到我唔肯定，跟住你就會嚟救我。」 珊珊眼泛淚光說：「因為我都俾人扶過，一個鼓勵一個認同係好緊要，如果冇呢一下係好難咬上去，我係有靈感係唔係要同衛詩雅講兩句呢？咁就轉達又轉達，咁就認識咗！」見到今日的Michelle，在影壇上已嶄露頭角，珊珊直言有點激動，「終於等到今日喇！搞到我都眼濕濕！」 六年前，Michelle開設YouTube頻道拍飲食節目《 #衛食攻略 》，結果殺出條血路，Michelle指當時因為疫情無工開，「公司同事話我冇嘢做，不如試下啦，咁啱疫情啲人冇得出去，又鍾意食嘢，都係嗰句，唔好見到希望先去堅持，係堅持先會見到希望！」 珊珊讚Michelle是個識得打逆境戰的人，遇強越強，Michelle說：「當然逆境嘅時候都會唔開心、有質疑自己嘅時候，但係我轉換心態轉得好快，我識得打逆境波係因為我未必會去解決個問題，我係好叻跳過個問題！」Michelle形容，就如前路有塊大石阻着前進，很多人會去想怎去整爛塊石，而她卻會選擇繞路行，「唔打爛兜遠少少都會去到終點，點解一定要解決個問題，唔解決都得，我行遠啲囉！」 【相約食牛歡喜】 珊珊常看《衛食攻略》，直指Michelle冇偶包，「你好鍾意食雞子？你真係慢慢咬！」Michelle答，「好鍾意食雞子㗎！你食唔食？」珊珊點頭，Michelle又問，「你食唔食牛歡喜？牛鞭？」珊珊掩嘴說：「其實咩嘢都擺得落口！」Michelle說：「我未食過牛歡喜，有少少想試下。」珊珊說：「應該係爽嘅，嗰度應該係緊緻嘅！唔會攞啲鬆嘅嚟賣！」二人大笑，並相約搵日一起去食，順便當拍《衛食攻略》。 電影《破·地獄》令Michelle得到七個不同國家的電影節頒發的「最佳女演員」獎項，入行十七年，試過在低谷生存，看過很多人情冷暖，Michelle說：「而家得到嘅時間係啱啱好，我唔鍾意蝦人，我唔可以話我俾人蝦過，但以前個位會睇到好多，會睇到啲人係點對人，我係同自己講，一定唔可以變成呢類人！」珊珊很認同，「我明，最紅嗰啲冇人敢惹，要蝕底或俾人欺負嘅，通常係中間或最基本嗰堆，你觀察力又強，會反問自己『日後如果去到呢個位，會唔會咁對人呢』，你會同自己講，唔會想做自己眼中討厭嘅人。」 由於珊珊與Michelle的對談內容很長，當中有很多關於Michelle同家人間發生的趣事，又講及《 #風林火山 》，有興趣的可以去珊珊的YouTube頻道《三坐山Mount Trio》睇片！ #娛壹".