娛壹 as1.entertainment on Instagram: "Alton王智德撰長文 籲正視拍外景遭「跟拍」問題 望能彼此尊重 稱私追頻入鏡 「戴帽戴口罩拎住相機以為自己透明」 劇組屢勸無效 影響拍攝進度 #MIRROR 成員Alton #王智德 給人印象是「正能量寶寶」，是否「做自己」是他經常思考的命題，「入行後我發現世界變咗而大家唔知，我哋已經唔同以前。」發現漸漸沒了自己，擔心做回自己大家會不接受，甚至冒犯他人。「我覺得呢個世界好危險。但路仍必須走。」 ︱新劇外景密集 日日「追日落」趕拍︱ 所以Alton決定做自己。刻下他正忙拍新劇《 #社畜再培訓先導計劃 》，故事講述Alton、陳子豐、羅允芝及麥沛東一群「社畜」被派到一家小學，入讀四年S級接受再培訓，還有一班小演員飾演小學同學。劇集正日夜趕拍，由於外景不少，幾乎每日都要「追日落」拍攝。天氣酷熱令大人亦覺煎熬，何況小演員。 日前Alton在Threads突然出post，只寫道：「一句講晒：你冇犯法，不過就好冇禮貌同好自私，你而家影響我（同團隊）做嘢呀。」配以打牆gif。Alton曾說生氣時會打牆。 不少留言猜測與私追有關，有留言寫道：“ It is a balance between 熱情 vs creepy. Hope the fansunderstand and give him some space. ” 另有cm說：「鍾意你唔係大晒，就係因為鍾意，先至要尊重！」 ︱非針對私追 而是關乎「尊重」︱ 昨日（29日）Alton再於Threads發文，詳解事件始末。行文一如以往Alton’s style，重點要搞清楚。「好多人劈頭第一句就問我係咪好討厭 #私追 ，呢個轉頭先，我想講嘅係個『行為』而唔係個『身份』。」 Alton寫謂有次拍外景，有些人手執大炮（長鏡）「係咁喺度影」，戴帽戴口罩，身份不明。「一開頭有工作人員勸阻，然後收埋咗一陣隔冇耐又拎出嚟，周而復始。最大嘅問題係影響演員休息。（呢一點唔多解釋，相信冇乜人接受到每分每秒可以俾個鏡頭影住，紀錄片除外）。」 這班人不止「明影」，而且不時入鏡。Alton表示：「同事們將啲架生左搬右搬已經好辛苦，仲要浪費人力時間過嚟請佢（哋）離開，轉個頭又返番嚟，最慘係我哋追緊日落。」 「另外一個問題，返到去條片點樣剪？一個鏡頭望落去見到有啲戴帽戴口罩拎住相機以為自己透明嘅人，會唔會突兀先。」 ︱「盲目包容係解決唔到問題」︱ 「傳統思想」認為藝人應該食得鹹魚抵得渴，「恩主」心態歷數十載不變，Alton亦深有感受：「有人就係睇準你唔敢出聲，越嚟越肆無忌憚，始終佢哋抱住『只想拎到自己想要嘅嘢』嘅心態，耍無賴好容易。私唔私追都唔係重點，你有禮貌、識互相尊重嘅話，行過路過 chill下傾下偈，其實我會好開心。喺街度撞過我嘅人應該知。」 Alton表示，上一則Thread「多少都有啲波浪」，雖然未有言明「波浪」為何，但不難猜。他說：「開得聲就衡量過，只不過我更相信件事係要正視，畢竟面對呢個問題嘅係團隊同大家，唔只係我。呢個年代咁多渠道表達自己，不如講吓個真實情況畀大家聽，畀大家了解多啲。」 最後Alton寫道：「唔好再俾無知控制。我只係一個小薯，盡人事表達。盲目包容係解決唔到問題，諗下自己可以做啲乜。其實有時候講嚟都係過我自己，講完個世界未必會即刻變，但至少叫自己講過，之後就莫強求，不再回應。加油啦。」 ︱劇組人員：佢發得脾氣 一定係好過分嘅事情︱ 有《社畜再培訓先導計劃》劇組人員留言，稱與Alton共事約兩個月，「佢真係一個EQ極好，好多時都以大局為重嘅人，佢唔會冇理由地發脾氣，佢發得脾氣一定係好過分嘅事情。」 對於有聲音質疑公眾場所為何不能「明影」，有留言代答：「好多年前有部電影拍大場面，就係有圍觀者開咗閃光燈，搞到要拍過。拍戲唔係同你哋玩，人哋損失金錢時間，你就拍下籮柚走得。你哋鍾意影明星鍾意同明星合照，咪喺容許嘅場合囉。」 另不少人曾遇過Alton的fans留言，證明Alton私下確是很nice，其中一則留言謂：「舊年Clockenflap迎面撞到王大人，我好開心講咗句『姨～椅～』，佢好似見到老友咁回覆我『姨～椅～』。突然我以為自己見到老朋友，friendly到呢。」另一個寫道：「喺街撞過你，怕阻住你所以細細聲叫你睇下你聽唔聽到，點知你勁nice擰番轉頭同我say hi講早晨～」 ︱Stanley：互相尊重︱ MIRROR成員Stanley #邱士縉 （大表）及Anson Lo #盧瀚霆 出席西九音樂節記者會，大表早前亦忙於拍攝新劇《 #無用的謊言 》，其戲份日前拍竣。 大表謂有留意Alton的帖文，表示：「我覺得佢想講嘅係互相尊重，因為有時影響到拍攝嘅話，有時講完，大家配合咗，咁就冇嘢㗎喇。我諗佢想講嘅係呢樣嘢，唔係話（私追）等佢收工。」 #娛壹"

113 likes, 1 comments - as1.entertainment on August 29, 2024: "Alton王智德撰長文 籲正視拍外景遭「跟拍」問題 望能彼此尊重 稱私追頻入鏡 「戴帽戴口罩拎住相機以為自己透明」 劇組屢勸無效 影響拍攝進度 #MIRROR 成員Alton #王智德 給人印象是「正能量寶寶」，是否「做自己」是他經常思考的命題，「入行後我發現世界變咗而大家唔知，我哋已經唔同以前。」發現漸漸沒了自己，擔心做回自己大家會不接受，甚至冒犯他人。「我覺得呢個世界好危險。但路仍必須走。」 ︱新劇外景密集 日日「追日落」趕拍︱ 所以Alton決定做自己。刻下他正忙拍新劇《 #社畜再培訓先導計劃 》，故事講述Alton、陳子豐、羅允芝及麥沛東一群「社畜」被派到一家小學，入讀四年S級接受再培訓，還有一班小演員飾演小學同學。劇集正日夜趕拍，由於外景不少，幾乎每日都要「追日落」拍攝。天氣酷熱令大人亦覺煎熬，何況小演員。 日前Alton在Threads突然出post，只寫道：「一句講晒：你冇犯法，不過就好冇禮貌同好自私，你而家影響我（同團隊）做嘢呀。」配以打牆gif。Alton曾說生氣時會打牆。 不少留言猜測與私追有關，有留言寫道：“ It is a balance between 熱情 vs creepy. Hope the fansunderstand and give him some space. ” 另有cm說：「鍾意你唔係大晒，就係因為鍾意，先至要尊重！」 ︱非針對私追 而是關乎「尊重」︱ 昨日（29日）Alton再於Threads發文，詳解事件始末。行文一如以往Alton’s style，重點要搞清楚。「好多人劈頭第一句就問我係咪好討厭 #私追 ，呢個轉頭先，我想講嘅係個『行為』而唔係個『身份』。」 Alton寫謂有次拍外景，有些人手執大炮（長鏡）「係咁喺度影」，戴帽戴口罩，身份不明。「一開頭有工作人員勸阻，然後收埋咗一陣隔冇耐又拎出嚟，周而復始。最大嘅問題係影響演員休息。（呢一點唔多解釋，相信冇乜人接受到每分每秒可以俾個鏡頭影住，紀錄片除外）。」 這班人不止「明影」，而且不時入鏡。Alton表示：「同事們將啲架生左搬右搬已經好辛苦，仲要浪費人力時間過嚟請佢（哋）離開，轉個頭又返番嚟，最慘係我哋追緊日落。」 「另外一個問題，返到去條片點樣剪？一個鏡頭望落去見到有啲戴帽戴口罩拎住相機以為自己透明嘅人，會唔會突兀先。」 ︱「盲目包容係解決唔到問題」︱ 「傳統思想」認為藝人應該食得鹹魚抵得渴，「恩主」心態歷數十載不變，Alton亦深有感受：「有人就係睇準你唔敢出聲，越嚟越肆無忌憚，始終佢哋抱住『只想拎到自己想要嘅嘢』嘅心態，耍無賴好容易。私唔私追都唔係重點，你有禮貌、識互相尊重嘅話，行過路過 chill下傾下偈，其實我會好開心。喺街度撞過我嘅人應該知。」 Alton表示，上一則Thread「多少都有啲波浪」，雖然未有言明「波浪」為何，但不難猜。他說：「開得聲就衡量過，只不過我更相信件事係要正視，畢竟面對呢個問題嘅係團隊同大家，唔只係我。呢個年代咁多渠道表達自己，不如講吓個真實情況畀大家聽，畀大家了解多啲。」 最後Alton寫道：「唔好再俾無知控制。我只係一個小薯，盡人事表達。盲目包容係解決唔到問題，諗下自己可以做啲乜。其實有時候講嚟都係過我自己，講完個世界未必會即刻變，但至少叫自己講過，之後就莫強求，不再回應。加油啦。」 ︱劇組人員：佢發得脾氣 一定係好過分嘅事情︱ 有《社畜再培訓先導計劃》劇組人員留言，稱與Alton共事約兩個月，「佢真係一個EQ極好，好多時都以大局為重嘅人，佢唔會冇理由地發脾氣，佢發得脾氣一定係好過分嘅事情。」 對於有聲音質疑公眾場所為何不能「明影」，有留言代答：「好多年前有部電影拍大場面，就係有圍觀者開咗閃光燈，搞到要拍過。拍戲唔係同你哋玩，人哋損失金錢時間，你就拍下籮柚走得。你哋鍾意影明星鍾意同明星合照，咪喺容許嘅場合囉。」 另不少人曾遇過Alton的fans留言，證明Alton私下確是很nice，其中一則留言謂：「舊年Clockenflap迎面撞到王大人，我好開心講咗句『姨～椅～』，佢好似見到老友咁回覆我『姨～椅～』。突然我以為自己見到老朋友，friendly到呢。」另一個寫道：「喺街撞過你，怕阻住你所以細細聲叫你睇下你聽唔聽到，點知你勁nice擰番轉頭同我say hi講早晨～」 ︱Stanley：互相尊重︱ MIRROR成員Stanley #邱士縉 （大表）及Anson Lo #盧瀚霆 出席西九音樂節記者會，大表早前亦忙於拍攝新劇《 #無用的謊言 》，其戲份日前拍竣。 大表謂有留意Alton的帖文，表示：「我覺得佢想講嘅係互相尊重，因為有時影響到拍攝嘅話，有時講完，大家配合咗，咁就冇嘢㗎喇。我諗佢想講嘅係呢樣嘢，唔係話（私追）等佢收工。」 #娛壹".