娛壹 as1.entertainment on Instagram: "王智德首演舞台劇 夥嘉盈演一樓一會勁緊張 麥沛東撩騷肌 導演朱栢謙讚Alton有怕醜內歛體質 公開爭取無悔三兄弟小組合作 「希望公司理解一下我哋嘅希望」 #朱栢謙 、 #張志敏 導演， #阮韻珊 編劇， #麥沛東 、Alton #王智德 、 #嘉盈 FH Production 、歐芷菲、邢灝主演舞台劇《 #一樓一會 》X《恐怖在線》10月25日起假座香港藝術中心壽臣劇院公演。 故事靈感來自曾轟動一時的模特兒被殺案，寫的卻是寂寞。宣傳tagline：「一個人並不寂寞，最寂寞的是你心中有一個人，而他不會再出現。」嘉盈飾演的小雲經營一樓一生意，貨車司機魏生（Alton飾）是熟客仔，風趣有禮，對小雲死心塌地。小雲被隔壁凶宅弄得頭暈身㷫，魏生索性搬入凶宅，發生連串怪事。 記者會上有撳鐘仔儀式，撳完卻沒有聲，Alton人肉發聲「叮噹」搞氣氛。主持問他有否撳鐘仔經驗，他笑：「去人哋屋企都要嘅，禮貌嚟㗎嘛！」 ︱麥沛東邀Alton半裸騷肌︱ Alton首次演舞台劇，見他非常緊張，大批蛋白粉（fans）擠滿現場。他笑：「好耐冇見大家，大家好嘛？」活動結束後，Alton還特地跑出來為蛋白粉簽名及自拍，感謝大家支持。 麥沛東自言角色較宅，流連歡場找快樂，他還主動要求與Alton半裸上身，朱謙笑：「我會叫佢（麥東）食多啲嘢，唔使減，可以有明顯對比。」又建議麥穿漁網衫，「網番啲肉出嚟！」至於Alton，朱謙笑：「佢唔使操喇，但畀我過一過目先！」 起用Alton做男主角，是看中他哪種特質？朱謙謂：「善良溫文，佢有種怕醜、內歛嘅吸引，應該好少表演嘅朋友有呢種特質，除咗我自己之外（笑）。」麥東最近與Alton合作拍劇，讚對方善良溫馴之餘還非常勤力。至於朱謙會否也參演一角？他笑言要睇潘紹聰：「請我都有少少貴嘅！」 ︱朱凌凌出歌「有進度」︱ 月前朱謙曾預告 #朱凌凌 再出歌，他說：「有進度嘅，但我哋唔係以出歌嘅目標行先，而係慢慢enjoy音樂、enjoy生命去行，係一個好奇妙嘅體驗。」他稱朱凌凌逢周一會見面，「食飯又好夾band又好，分享生命又好，戲劇上嘅睇法又好，不過我呢排有啲忙，所以有一兩條片係冇我。」 ︱Alton有「噴噴」護體 嘉盈「鬼都怕咗佢」︱ 演靈異題材舞台劇，Alton稱家人為他準備了一支噴噴：「收工臨入屋前噴一噴先入屋，個心舒服就得。（咩嚟？）唔知乜嘢草咁樣，綠色嘅，我一陣睇番話你知。」結果走數。嘉盈則說命相師傅謂其「八字重」鬼都驚：「我反而驚我同佢哋過唔到電！」 至於做準備功課，嫖客Alton笑謂：「我呢個新手最緊要打開耳仔聽下前輩有咩分享。」從哪裡取經撳鐘仔？他還是那句：「以前去人屋企就敲門多，而家要戒喇。撳多啲。」至於實地考察則應沒有機會。 ︱嘉盈：我都係個識搞笑嘅人嚟㗎︱ 嫖客與鳳姐沒多少親密場面，嘉盈微量劇透說：「我哋最親密嘅接觸未必係開心嘅。個結局我係非常驚訝，大家一定要入場睇。我有同驚鬼嘅朋友講，真係有少少scary，但我哋唔係sell恐怖，係sell寂寞。」續謂希望讓大家見到她演技進步外，「想話畀大家聽，我都係個識搞笑嘅人嚟㗎！」 ︱Alton具備怕醜、內歛體質︱ 談到麥東主動約騷肌，Alton靦腆一笑：「要睇劇本有冇呢個需要，我又問下監護人經理人先。我就覺得好睇狀態嘅，唔好為除而除。」對於朱謙稱他有怕醜、內歛體質，Alton吃了一驚：「死喇，原來我係咁樣㗎！（大笑）我驚識耐咗佢哋會失望，『原來呢個人黐線嘅！』」笑言因為其人較慢熱所致。 他續說：「Lokman（ #楊樂文 ）話做舞台劇好好玩㗎，好溫暖，因為你一班人好長時間咁樣望住大家﹐好冇包袱、冇化妝咁排練，我覺得佢會係個honeymoon囉。」談到早前與Lokman去旅行，他笑言一年去幾次。是否為兄弟療情傷？Alton又搞gag：「男人嚟嘛﹐點止情傷，周身都係傷。早幾日俾蚊咬，而家周身都係。」真有吸引小昆蟲體質。 ︱無悔三兄弟一齊寫建議書︱ 另 #DeeGor #何啟華 寫了十頁proposal，建議公司讓 #無悔三兄弟 小組合作，公司初步開綠燈。Alton問：「公司個cam喺邊？」蠱惑一笑：「既然阿Dee都施加壓力﹐ #咁我都希望公司理解一下我哋嘅希望 。我都想嘅，我哋三個入行前已踏足舞台，時間耐咗都想有新挑戰，或者新嘅嘢畀大家睇。只要有綠燈，我哋都畀油去。」笑言proposal是三兄弟一齊寫；至於有否一齊入房「面聖」，他笑：「開個會仔點都要嘅，誠意嚟㗎嘛！」 今次《一樓一會》，無悔三兄弟合資餐廳「泰鳩」亦有贊助，Alton稱是想支持一下，量力而為。至於餐廳續租一事，他說：「只係租約期滿，諗緊係續約定轉位。」謂仍在斟洽中。 另談到下月fan club為他慶祝生日，他有點不知所措：「我唔知（點慶祝）喎，我生日係被慶祝㗎嘛！」托腮甜笑，又說：「屋企人好就我，話你睇下有邊個『窿窿』得閒，食餐飯啦。人大咗，覺得生日都係擺心度嘅事情啫，但如果fans、朋友們好想同我慶祝，咁當然多謝啦！」 #娛壹"

116 likes, 1 comments - as1.entertainment on August 14, 2024: "王智德首演舞台劇 夥嘉盈演一樓一會勁緊張 麥沛東撩騷肌 導演朱栢謙讚Alton有怕醜內歛體質 公開爭取無悔三兄弟小組合作 「希望公司理解一下我哋嘅希望」 #朱栢謙 、 #張志敏 導演， #阮韻珊 編劇， #麥沛東 、Alton #王智德 、 #嘉盈 FH Production 、歐芷菲、邢灝主演舞台劇《 #一樓一會 》X《恐怖在線》10月25日起假座香港藝術中心壽臣劇院公演。 故事靈感來自曾轟動一時的模特兒被殺案，寫的卻是寂寞。宣傳tagline：「一個人並不寂寞，最寂寞的是你心中有一個人，而他不會再出現。」嘉盈飾演的小雲經營一樓一生意，貨車司機魏生（Alton飾）是熟客仔，風趣有禮，對小雲死心塌地。小雲被隔壁凶宅弄得頭暈身㷫，魏生索性搬入凶宅，發生連串怪事。 記者會上有撳鐘仔儀式，撳完卻沒有聲，Alton人肉發聲「叮噹」搞氣氛。主持問他有否撳鐘仔經驗，他笑：「去人哋屋企都要嘅，禮貌嚟㗎嘛！」 ︱麥沛東邀Alton半裸騷肌︱ Alton首次演舞台劇，見他非常緊張，大批蛋白粉（fans）擠滿現場。他笑：「好耐冇見大家，大家好嘛？」活動結束後，Alton還特地跑出來為蛋白粉簽名及自拍，感謝大家支持。 麥沛東自言角色較宅，流連歡場找快樂，他還主動要求與Alton半裸上身，朱謙笑：「我會叫佢（麥東）食多啲嘢，唔使減，可以有明顯對比。」又建議麥穿漁網衫，「網番啲肉出嚟！」至於Alton，朱謙笑：「佢唔使操喇，但畀我過一過目先！」 起用Alton做男主角，是看中他哪種特質？朱謙謂：「善良溫文，佢有種怕醜、內歛嘅吸引，應該好少表演嘅朋友有呢種特質，除咗我自己之外（笑）。」麥東最近與Alton合作拍劇，讚對方善良溫馴之餘還非常勤力。至於朱謙會否也參演一角？他笑言要睇潘紹聰：「請我都有少少貴嘅！」 ︱朱凌凌出歌「有進度」︱ 月前朱謙曾預告 #朱凌凌 再出歌，他說：「有進度嘅，但我哋唔係以出歌嘅目標行先，而係慢慢enjoy音樂、enjoy生命去行，係一個好奇妙嘅體驗。」他稱朱凌凌逢周一會見面，「食飯又好夾band又好，分享生命又好，戲劇上嘅睇法又好，不過我呢排有啲忙，所以有一兩條片係冇我。」 ︱Alton有「噴噴」護體 嘉盈「鬼都怕咗佢」︱ 演靈異題材舞台劇，Alton稱家人為他準備了一支噴噴：「收工臨入屋前噴一噴先入屋，個心舒服就得。（咩嚟？）唔知乜嘢草咁樣，綠色嘅，我一陣睇番話你知。」結果走數。嘉盈則說命相師傅謂其「八字重」鬼都驚：「我反而驚我同佢哋過唔到電！」 至於做準備功課，嫖客Alton笑謂：「我呢個新手最緊要打開耳仔聽下前輩有咩分享。」從哪裡取經撳鐘仔？他還是那句：「以前去人屋企就敲門多，而家要戒喇。撳多啲。」至於實地考察則應沒有機會。 ︱嘉盈：我都係個識搞笑嘅人嚟㗎︱ 嫖客與鳳姐沒多少親密場面，嘉盈微量劇透說：「我哋最親密嘅接觸未必係開心嘅。個結局我係非常驚訝，大家一定要入場睇。我有同驚鬼嘅朋友講，真係有少少scary，但我哋唔係sell恐怖，係sell寂寞。」續謂希望讓大家見到她演技進步外，「想話畀大家聽，我都係個識搞笑嘅人嚟㗎！」 ︱Alton具備怕醜、內歛體質︱ 談到麥東主動約騷肌，Alton靦腆一笑：「要睇劇本有冇呢個需要，我又問下監護人經理人先。我就覺得好睇狀態嘅，唔好為除而除。」對於朱謙稱他有怕醜、內歛體質，Alton吃了一驚：「死喇，原來我係咁樣㗎！（大笑）我驚識耐咗佢哋會失望，『原來呢個人黐線嘅！』」笑言因為其人較慢熱所致。 他續說：「Lokman（ #楊樂文 ）話做舞台劇好好玩㗎，好溫暖，因為你一班人好長時間咁樣望住大家﹐好冇包袱、冇化妝咁排練，我覺得佢會係個honeymoon囉。」談到早前與Lokman去旅行，他笑言一年去幾次。是否為兄弟療情傷？Alton又搞gag：「男人嚟嘛﹐點止情傷，周身都係傷。早幾日俾蚊咬，而家周身都係。」真有吸引小昆蟲體質。 ︱無悔三兄弟一齊寫建議書︱ 另 #DeeGor #何啟華 寫了十頁proposal，建議公司讓 #無悔三兄弟 小組合作，公司初步開綠燈。Alton問：「公司個cam喺邊？」蠱惑一笑：「既然阿Dee都施加壓力﹐ #咁我都希望公司理解一下我哋嘅希望 。我都想嘅，我哋三個入行前已踏足舞台，時間耐咗都想有新挑戰，或者新嘅嘢畀大家睇。只要有綠燈，我哋都畀油去。」笑言proposal是三兄弟一齊寫；至於有否一齊入房「面聖」，他笑：「開個會仔點都要嘅，誠意嚟㗎嘛！」 今次《一樓一會》，無悔三兄弟合資餐廳「泰鳩」亦有贊助，Alton稱是想支持一下，量力而為。至於餐廳續租一事，他說：「只係租約期滿，諗緊係續約定轉位。」謂仍在斟洽中。 另談到下月fan club為他慶祝生日，他有點不知所措：「我唔知（點慶祝）喎，我生日係被慶祝㗎嘛！」托腮甜笑，又說：「屋企人好就我，話你睇下有邊個『窿窿』得閒，食餐飯啦。人大咗，覺得生日都係擺心度嘅事情啫，但如果fans、朋友們好想同我慶祝，咁當然多謝啦！」 #娛壹".