娛壹有片丨郭富城林家棟任賢齊開枱 一炮三響齊贏錢 姜大衛魚蝦蟹賭局迎新歲
▶睇片：https://youtu.be/dK143jzu7aA
由 #郭富城、#林家棟、#任賢齊 及張可頤主演的 #賀歲片《#臨時劫案》，於年三十上映。三位男主角趁農曆新年，開枱打麻雀發新年財，一齊食大茶飯。
難得三人落場竹戰，兼且邊打邊代入角色，城城飾演的梅藍天雖然勇猛，但仍要迎難而上，面對逆境牌，依然保持禮貌，城城說：「既然對家自摸，梗係要畀錢你啦﹗講多謝﹗」家棟飾演的笠水，鋪鋪被諸無心機，家棟說：「我冇錢喎﹗打牌嚟玩吓咋，唔係咩叫衛生麻雀，衛生係唔使錢喎。」小齊飾演的冇用輝，不懂打麻雀：「我點解好人做唔好，壞人做唔到，打牌都糊唔到。」
三人本着萬事不放棄精神，最終極地翻身一炮三響，成為大贏家食大茶飯，一齊豪食盤菜迎新年。
而 #姜大衛（John哥）就跟後輩姜卓文及曾比特玩魚蝦霞，John哥做莊，姜卓文、曾比特重注買爆莊家，率先發新年財。
