mi jan pi ken ala. lawa mi li pakala. monsuta suli li utala e sijelo mi e pilin mi e ken mi. mi jo e pilin pi kama moli. taso mi wile ala a e moli.
mi toki kepeken toki pona la, mi pona ala pona e lawa mi? mi sona e ni taso: jan Sonja li wile mama e toki pi pona lawa.
taso misikeke li ken ala pona e lawa mi la, toki li ken ala ken?
lawa jan li ijo nasa...
@jansepulon lawa li ken nasa a.
tenpo la mi ike lon lawa kin. misikeke li ijo pona tawa ni lon mi. ona li pona pi ale ala e lawa.
o awen lukin e misikeke.
taso, toki li pona tawa lawa kin. toki la sina lukin e insa sina. sina kama sona e ijo pona mute tan lukin.
ni li pona. pona ni la jan sona pi toki lawa li lon kin. ona li ken lon poka pi nasin sina, li ken pona e ken sona sina.
o wawa, sina ken a pona. <3
@janDeni @jansepulon o, toki pi jan Deni li pona tawa mi.
pakala pilin li ken kama tan tenpo pi jan lili. tenpo ni la sijelo jan li pilin e ni: "ike li ken kama lon tenpo ale." lawa jan li sona e ni: "ike li lon ala lon tenpo ni, mi jan suli." taso sijelo li pilin sama jan lili pi tenpo pini.
pilin sijelo pi jan lili li jo ala e nimi. lawa li kepeken toki mama. taso toki pona li ken pana e nasin sin tawa ni: jan li toki e pilin sijelo. ni li ken pana e pona
jan Sepulon
Deni
jan Telakoman