@bluephoenix

講開剝削……話說自己N年前曾經跟着一個「精明」老闆，佢睇中勞工處試工計劃可以用半份糧請人（另一半糧由勞工處給），於是找人「試工」，期滿之後便找理由說那人不太合適，然後又想找另一人永續「試工」。後來雖然不記得甚麼原因令佢停止這麽作，但呢種「港式老闆」諗縮數的心態和程度係可見一斑。

直至四年前左右，我見識到正宗嘅嚴重剝削：有個女工友（師奶仔，教育程度不高，經外判公司騁請），有次佢拿着水桶周圍清潔之類，不小心弄傷自己（好似係拉傷，抖左起碼幾個月），佢跟外判公司報工傷，點知原來個外判老闆哄個師奶仔攞病假而不是攞工傷假（那時有薪病假最多給四天，即外判最多俾四天工錢）。

哄掂個師奶之後，外判商在門面就月月照出糧給個女工，扮到好似盡左責任俾工傷假，等之後件事淡左，外判公司就變臉，叫個女工友把之前幾個月「出多左俾佢」嘅糧嘔番俾外判，理由係因為佢只係攞病假，最多得四天糧，唔俾就又話佢犯法又話告佢又乜乜柒柒。

最後結局：師奶仔買佢怕，仲真係「還」番幾個月糧俾外判公司。

在香港跟老闆打工，那些甚麼受制度保障又甚麼有公平環境，真係金玉其外云乎哉。