現實有時比漫畫更曲折離奇，但更熱血更扣人心絃。
剛剛1星期前，係甲子園舉行第100屆日本高中棒球賽剛剛結束，由石川縣代表星稜高校對愛媛縣代表済美高校，雙方打出一場，相信連漫畫家都想不到的意想情節。

星稜高校一直首先，但到第8局畀對方反超前，然後到第9局連取2分將比賽拉到延長戰，第13局時再得2分，原本以為勝利在望，但對手済美高校一下滿壘全壘打逆轉比賽得到勝利。

影片係將3小時13分既比賽濃縮出黎的精華，為左令大家有較多認識，會先下講解：

石川縣代表星稜高校對愛媛縣代表済美高校
星稜高校曾19次打入決賽，但一次都未嘗冠軍。
而今屆開球禮球手，就係日本棒球界巨人松井秀喜，佢亦係星稜既舊生。

済美高校棒球部只係創立20年，今次已係第二次殺入決賽，亦係未嘗一冠，漫畫家寺嶋裕二作品《鑽石王牌》主角隊青道高中的球衣亦取材自済美
済美主投三年級山口直哉以一人之力將球隊帶到甲子園，之前6場比賽52局都係由佢一個人作投手，平均每場都投左120球(以一個美職盟主投手一場最多都係85球，超過100球就有機會受傷)，到決賽時，無論體力及精神力其實已經到左極限。所以先會發生一開局就連失5分既慘狀。