藍鳳凰見我哋批評熱城，呢啲人又加把嘴。
之前俾人鬧完係英美間諜，自己又加把嘴批評熱城，都仲可以懶係不因人廢言，繼續「國師高見」「聽熱時節目有得着」，成個專頁唔係share熱時就係陳雲，面皮真係幾丈厚，個個都好似冇碼頭泊就會死咁。
按呢啲人「不因人廢言」嘅邏輯，咁林忌有陣時都寫到正常嘢，城邦論當年佢有份傾，不如share埋林忌嘅文話林忌高見呀嘛！望望下Myradio班友都有正常嘢，唔爭在share埋啦，不因人廢言呀～
Goodbye佢可唔可以唔好用 [激嬲] 呢個字眼？講到好似可以 [氹] 返咁。😒
當日班支持者離開，係因為睇清楚佢哋嘅所謂正直只係靠把口講，發現自己信錯人先果斷離開的，唔係因為 [嬲]，無得 [氹] 返架。
一圖論述@bluephoenix @karenchiu @MaxHui
如果連香港將會焦土呢件沉重嘅事情都接受咗，又點會對區區一個背棄群眾嘅霉體滅亡有感覺？
再講熱時早已經失去咗聚義嘅功用，而家聚集嘅只係一群要拜神嘅烏合之眾，同任何一個泛民政黨都係無分別嘅。
@onejpg @karenchiu @MaxHui 佢將個爛鬼台當成群眾代表，反對個爛鬼台就係反對民眾。呢招黃毓民之前玩過，係造神招數之一。
佢哋同佔領時嘅泛民政黨一樣，以為群眾老奉支持佢哋，其實只係企圖操縱群眾為自己服務。
佢知唔知佢口中講得咁重要要抗共媒體幫陳雲轉賣淘寶貨？佢哋嘅主持陳四用緊支付寶，佢哋嘅友好謝曬皮幫 WeChat Pay 賣廣告，而佢哋嘅老闆對呢等等一切都無出過聲。
呀，我講錯，要修正：佢哋老闆有出過聲，就係話我哋呢班提出質疑嘅人係閒人，原教旨主義，佢話我哋唔係君子。
我都唔係君子，所以佢個台死唔死唔關我事。
chunman@karenchiu @bluephoenix @onejpg @MaxHui
佢地個臺死左 我地又唔會賺多左錢 食多碗飯
但佢地就講到 我地因爲唔認同佢地所以係haters 宜得佢地死
現實係而家得閒先會講兩句 恥笑下 邊有咁上心去理個臺係生係死
@chunman620 @bluephoenix @onejpg @MaxHui
好簡單，佢死，我唔會歡呼；佢有本事越做越大，我亦唔會鼓掌。