娛壹 as1.entertainment on Instagram: "P1X3L首次開騷 告別九展Star Hall 溫柔親密如家庭聚會的演唱會 Bromance滿瀉： George唱solo Phoebus Marco幫手整裝 《 #P1X3L ！OMG Live 2024》昨晚（5月31日）在九展Star Hall舉行，既是三子首次、亦是最後一次在 #StarHall 舉行演唱會。長形舞台設計簡單，讓Puzzles將他們團團包圍，距離非常貼近。三子跟台下緊密互動，顧及每個方向觀眾視覺享受，快歌極具爆炸力，慢歌溫柔甜蜜，encore完再encore，一曲《 #前傳 》也召喚不少回憶。 ︱「如果唔嗌得大聲，好似對唔住Star Hall喎！」︱ P1X3L以三首團歌打頭陣，分別為《BOMB》、《Just Lean On Me》及新團歌《Next Round》。熱身完畢，三子靜下來凝神細聽歡呼聲， George #歐鎮灝 說：「好似唔夠想像中咁大聲喎！畀啲聲嚟聽下先啦！」 Marco #葉振弘 向上層Puzzles打招呼：「上面嘅朋友！」Phoebus #吳啟洋 說：「其實就咁嘅，Star Hall差唔多最後一場show喇，如果唔嗌得大聲，好似對唔住Star Hall喎！」 三人輪流到不同方位，邀請fans尖叫。「主席」何洛瑤（Sica）亦有到場欣賞，Macro人未到，阿席已嗌定先，Macro叫道：「唔係呀，我哋都未數！」只見阿席身旁的葛綽瑤（Yoyo）、楊安妮（Win Win）亦瞓身肉緊嗌爆，係愛呀！ ︱George先登場solo 隊友為他寬衣︱ George先登場第一次唱solo，Phoebus、Marco夾手夾腳為他「即場換衫」，戴手套及戴眼鏡。隊長Phoebus為他加衣，George躬身連聲說：「唔該晒唔該晒！」Marco笑他：「乜你咁多裝備嘅？」George打趣謂是「裝備L」。整過過程充滿儀式感。 George獻唱medley：《I GO》 、《НАНА 》及《Me and my crew》，再唱其第一首solo作《BF》。Phoebus #吳啟洋 則選唱《Close Friend》、《孤獨先生》及《Feed Me》。 Marco #葉振弘 選唱個人solo作《海島與少年》，另有《Joy Boy》及《半途而廢手冊》等。其deep V戰衣表現淡定，真係大個仔喇。Marco唱完第一首歌，笑道：「終於到我獨霸舞台，享受下冇佢兩個喺度嘅時間先！」有fans尖叫：「葉振弘好靚仔呀！」他笑：「係呀？我都知！」 ︱Marco表演飲水 ：今日係要sell偶像，OK？︱ Marco謂一直很喜歡音樂（還有烤魚），「音樂帶畀我無窮幻想，聽歌戴住耳機即刻可以去咗第二個世界。音樂係好容易牽動我情緒，所以我每日都要聽幾個鐘頭歌。就算嗰日要拍節目、好忙，我都自己匿埋一邊聽歌。節目組人員就過嚟話：『咁摺嘅你？』我想解釋話唔係，我係想靜靜地享受下自己嘅世界。」 「音樂帶畀我咁多能量，點解我唔可以用我嘅音樂﹐去牽動大家嘅情緒呢？所以，就有我嘅solo歌喇！」獻唱《Joy Boy》時還邀全場起身。跳唱之後，Marco示範韓式呼吸，再表演飲水：「聽講話喺演唱會飲水呢，有尖叫聲聽㗎！」fans即尖叫，Marco卻說：「等陣先，我未ready！」又說：「今日係要sell偶像，OK？」拎住支水向不同方向擺pose，接受大家尖叫。 ︱感性時段：最大成就係擁有你哋︱ P1X3L還合體選唱兒時回憶 Medley ，有《光之美少女》、《馴獸師之王》及《不死傳說》，喚起不少觀眾童年回憶。成軍團歌《 #Braceless 》安排在近尾聲才獻唱，回憶感滿滿；《Wherever You Are 》、《漸漸地》等慢歌殺傷力亦不少。另George一段rap，其中數句如「記得當年三個迷惘嘅大海男兒 不斷諗住吸收新嘅經驗想去成就大事」「遇到不可抗力都已經感覺到疲倦」，也令fans不禁感觸。 感性時段，Marco先說：「其實我哋都有啲認真嘅嘢想同番大家講，就係…Phoebus講先吖！」Phoebus無奈：「呢個組合永遠都係咁。」此時有Puzzles大叫：「唔好喊呀！」 Phoebus說：「我覺得大家今日畀咗個好好好好嘅回憶我。今日唔似一個演唱會，而係家庭聚會咁。」向台下鞠躬致謝，形容跟Puzzles關係如家人一樣，感謂這個演唱會足夠他無限重溫回憶。George向家人致謝，Marco則說：「我一直諗P1X3L有乜嘢成就呢？好似冇一個好值得自豪嘅成就咁…但過咗今日之後，我諗我哋最大嘅成就，就係擁有你哋（指向台下觀眾）在座三千位。」再一齊向台下致謝。 ︱Puzzles：除衫！︱ 另Phoebus又踢爆Marco一直節食：「講真嘅，我哋做嘢咁耐，你就節食呜咁耐。我就蹽隔籬食嘢，你就日日都唔食。你都係為咗今日啫！」Marco笑：「唔好迫我…」作勢逃走。George趁機拉高Marco衣袖展示肌肉，嚇得Marco大叫，George取笑他怕醜，Puzzles即一齊嗌「除衫！」 有Puzzles感謂，跟P1X3L一起，每一步都充滿回憶，淚水及汗水。「今晚你哋嘅show真係好精彩，完全冇失誤，啲steps又好齊 仲要跳唱，睇得出你哋真係好愛咁多位puzzles。」 #娛壹"

497 likes, 4 comments - as1.entertainment on June 1, 2024: "P1X3L首次開騷 告別九展Star Hall 溫柔親密如家庭聚會的演唱會 Bromance滿瀉： George唱solo Phoebus Marco幫手整裝 《 #P1X3L ！OMG Live 2024》昨晚（5月31日）在九展Star...".