tucho Méndez#ManoloDi que hoxe o noso alumno ía "entre o eixo e a roda" cara o despacho da directora. Que non tiña moitas ganas de ir, noutras palabras.
#ManoloDi que "A cabra apurada dá fillos cegos", así que xa sabedes, se andades a toda presa co comezo de curso, baixade unha marcha ;)
#ManoloDi "Tremar" como sinónimo de suxeitar, unha forma local que deriva da aceptada "termar". Pero tamén di unha "trema" para un prado ou zona de terra enchoupada e inestable. "Non metas o tractor aí, que é unha trema".
#ManoloDi "Se che traba a donicela, compra campá e vela", porque a crenza popular seica é que son venenosas e non se sobrevive á súa mordedura.
#ManoloDi que esta noite choveu "a ballón" ou que "caeu un ballón", pola chuvia intensa e con tronos que cae de súpeto.
#ManoloDi que sentiu na radio chamarlle suadoiro á "sudadera". Lembra que, de cativo, suadoiros eran as mantas que se lle poñían ás bestas entre o lombo e a silla.
E o #ManoloDi de hoxe vai para o "bocadillo de brochas", que se refire algo difícil de dixerir, porque as brochas serían "tachuelas" ou "chinchetas", concretamente as que poñían na sola das zocas para que non se gastasen demasiado rápido.
Unha das mellores cousas de estar no meu centro é compartir leria co noso conserxe, Manolo. Un home listo, enxeñoso e cheo de sabiduría (e retranca). Coma a min, gústanlle as palabras e sempre lembra algunha desas que van esmorecendo na lingua. A ver se vou recollendo por aquí algunha das cousas que aprendo con el. #ManoloDi