娛壹 as1.entertainment on Instagram: "專訪︱《久別重逢》重逢久違了的自己 蘇昇華瓶頸掙扎 Ian陳卓賢曾跌入瓶底 「心態崩塌咗，你唔會遇到瓶頸，只會喺瓶底」 再談「初老」 活在當下 Natalie許恩怡學夏文萱 別在意旁人看法 只想令身邊人快樂 《 #久別重逢 》是 #梁禮彥 導演首部執導作品，劇本大約寫於15年左右，即《葉問3》拍攝期間，他是該片編劇之一。每次跟場拍動作戲，他就偷空構思 #蘇昇華 跟 #夏文萱 的故事。拍攝現場街坊保長葉問出手息干戈，躲在一角的梁禮彥就埋進故事裡，尋找達摩太陽跟秘密基地。 ︱Meditation≠Time Travel︱ 愛情電影久違了，《久別重逢》還有奇幻元素，梁禮彥形容有點像meditation：不是肉身／現實改變了甚麼，不屬time travel。他在「 #Sam先生電影日誌 」談得最深入：「一個人經歷成長，點樣搵番自己。」久別重逢，跟從前的自己重逢。 「經歷人生好多looping、好多失去嘅時候，有啲嘢失去咗消失咗，但其實佢並未消失。」一座城市的精神、自信、對音樂的感覺，「經歷年月洗禮後可能磨滅咗，但重遇一位朋友，或者透過五感，食一個布甸，踩下單車…我成日覺得聽番以前舊歌，感覺會返番嚟。除鞋喺沙灘跑點解會咁開心，因為我哋細個試過。呢啲觸覺會將我哋以前嘅記憶、energy用得番。」達摩太陽是metaphor：看不見但存在。 ︱陳卓賢：大家都唔係真係認識我︱ 他將自己相信並深愛的都寫進故事裡：相信愛情的力量，願為對方無條件付出：你快樂，所以我快樂。筆下的夏文萱、蘇昇華都有一份童心，一種深情，每位演員（ #鄭伊健 、Ian #陳卓賢 、Natalie #許恩怡 、 #蔡思韵 ）某些特質跟角色synchronize。其眼中的陳卓賢，有talent，很有規律，「好能規劃自己，畀我感覺係，佢眼裡面成日會睇到自己嘅未來。呢種特質就係我想講嘅…少年時覺得自己可以掌握一切，之後接受都市洗禮：究竟我仲應唔應該堅持自己？」 特質似，但陳卓賢跟蘇昇華畢竟是兩個人，經歷跟性格截然不同。陳說：「大家睇完可能會覺得，角色好似我、本色演出，但好坦白講，大家都唔係真係認識我。你都唔知真正嘅我係點樣，只不過可能你覺得我係咁樣，但其實我自己都知，自己同角色有好多唔同。」 蘇昇華從小熱愛音樂，立志成為音樂人，「但我自己從來冇咁諗過，我係機緣巧合咁樣…同埋佢好foresee到、相信終有一日會衝到；我偏向focus而家，唔會諗得太後。做好而家每一步要做嘅嘢，之後嘅目標就會慢慢清晰，到時就會知自己要做啲乜嘢。」 ︱陳卓賢「瓶底」經歷︱ 久別重逢，重逢曾經的自己，陳笑言專注目前，不太想回到過去或窺探未來，「係以前發生某啲嘢，造就今日我呢個人。過去已經過去咗，所以我都唔想返番以前改變啲乜嘢。」中年蘇昇華（鄭伊健飾）創作路上跌入瓶頸，陳卓賢自言年資尚淺，暫時還沒遇到，將來則未知：「之前反而經歷過瓶底，好似提唔起勁去做呢樣自己原來鍾意做嘅嘢。瓶頸係你想尋求突破先會遇到瓶頸，但你自己唔想做，你嘅心態已經崩塌咗之後，你唔會遇到瓶頸（笑），只會喺瓶底。」 「我諗係（當時）因為對呢一行唔適應，同埋期望落差。當初入行係因為鍾意音樂，正如做運動員係因為我鍾意打波，純粹做呢樣嘢，繼續做好自己。但呢行比較被動…可能你focus喺做音樂，但有好多其他外邊因素發生，影響你嘅心態，影響你內在嘅成長咁樣。」 ︱「人生好多嘢都係徒勞無功，但過程會有得著」︱ 去年十月MIRROR上Oscar節目《夜間失格》抽籤答哲學題，陳抽中的是：「人生哪個階段才是真正變老？」入行談初心，現在說初老。節目中陳認為初老是：「好多嘢你做完，你係無能爲力，改變唔到，但依然嘗試去做嗰個階段。」無關年紀，而是關乎靈魂和思維，偏向更加成熟更有歷練。「就算明知有啲機會唔係你，咁你係咪唔做？我覺得唔係。面對到嗰個位，令你嘅思維喺面對日後嘅嘢都會唔同。」 兩個月後再問他「初老」這回事，陳說：「呢個係我認為嘅『成熟』，並唔係話我覺得自己而家好成熟（笑）。我眼中嘅成熟係，有啲嘢你知道做咗都未必有好嘅結果，但你仍然會做。我覺得自己未完全達到呢個程度﹐但追求緊呢樣嘢。我覺得有時…人生好多嘢都係徒勞無功，但過程會有得著。」運動員求爭勝，「結果就係要贏，但而家覺得未必所有嘢都關結果事，唔關乎輸贏，而係你係唔係achieve到自己想achieve嘅嘢。但而家發覺呢樣嘢都未必最重要，而係你過程中拎到乜嘢。」 ︱Nat：追求結果 學習平衡︱ 陳追求過程，入行不久的Nat追求結果，學習平衡。「我覺得我由享受過程，到而家慢慢追求結果…which我覺得唔好…但我覺得呢個『上落上落』係要經歷嘅。可能因為我太新，好多嘢都會令我好興奮，日日開工都好開心好興奮，但慢慢就會覺得…習慣咗，之後會變得負面啲，容易見到啲自己唔太滿意（自己）嘅位，呢樣嘢相信好多人都經歷過。係好事嚟嘅，因為代表你對自己嘅要求慢慢高啲。」 「但我覺得…又唔使太執著呢啲位，太認真會令到自己唔開心，要搵番個balance：做到最好嘅quality，同時享受每一日。」Nat謂對自己要求很高，給自己太大壓力，「幸運嘅係，身邊嘅人真係好好，好支持我鼓勵我。我遇到每一個前輩都對我好好，會分享好多嘢畀我。」 撰文：tbiytc_tbiytc"

911 likes, 0 comments - as1.entertainment on January 18, 2025: "專訪︱《久別重逢》重逢久違了的自己 蘇昇華瓶頸掙扎 Ian陳卓賢曾跌入瓶底 「心態崩塌咗，你唔會遇到瓶頸，只會喺瓶底」 再談「初老」 活在當下 Natalie許恩怡學夏文萱 別在意旁人看法 只想令身邊人快樂 《 #久別重逢 》是 #梁禮彥 導演首部執導作品，劇本大約寫於15年左右，即《葉問3》拍攝期間，他是該片編劇之一。每次跟場拍動作戲，他就偷空構思 #蘇昇華 跟 #夏文萱 的故事。拍攝現場街坊保長葉問出手息干戈，躲在一角的梁禮彥就埋進故事裡，尋找達摩太陽跟秘密基地。 ︱Meditation≠Time Travel︱ 愛情電影久違了，《久別重逢》還有奇幻元素，梁禮彥形容有點像meditation：不是肉身／現實改變了甚麼，不屬time travel。他在「 #Sam先生電影日誌 」談得最深入：「一個人經歷成長，點樣搵番自己。」久別重逢，跟從前的自己重逢。 「經歷人生好多looping、好多失去嘅時候，有啲嘢失去咗消失咗，但其實佢並未消失。」一座城市的精神、自信、對音樂的感覺，「經歷年月洗禮後可能磨滅咗，但重遇一位朋友，或者透過五感，食一個布甸，踩下單車…我成日覺得聽番以前舊歌，感覺會返番嚟。除鞋喺沙灘跑點解會咁開心，因為我哋細個試過。呢啲觸覺會將我哋以前嘅記憶、energy用得番。」達摩太陽是metaphor：看不見但存在。 ︱陳卓賢：大家都唔係真係認識我︱ 他將自己相信並深愛的都寫進故事裡：相信愛情的力量，願為對方無條件付出：你快樂，所以我快樂。筆下的夏文萱、蘇昇華都有一份童心，一種深情，每位演員（ #鄭伊健 、Ian #陳卓賢 、Natalie #許恩怡 、 #蔡思韵 ）某些特質跟角色synchronize。其眼中的陳卓賢，有talent，很有規律，「好能規劃自己，畀我感覺係，佢眼裡面成日會睇到自己嘅未來。呢種特質就係我想講嘅…少年時覺得自己可以掌握一切，之後接受都市洗禮：究竟我仲應唔應該堅持自己？」 特質似，但陳卓賢跟蘇昇華畢竟是兩個人，經歷跟性格截然不同。陳說：「大家睇完可能會覺得，角色好似我、本色演出，但好坦白講，大家都唔係真係認識我。你都唔知真正嘅我係點樣，只不過可能你覺得我係咁樣，但其實我自己都知，自己同角色有好多唔同。」 蘇昇華從小熱愛音樂，立志成為音樂人，「但我自己從來冇咁諗過，我係機緣巧合咁樣…同埋佢好foresee到、相信終有一日會衝到；我偏向focus而家，唔會諗得太後。做好而家每一步要做嘅嘢，之後嘅目標就會慢慢清晰，到時就會知自己要做啲乜嘢。」 ︱陳卓賢「瓶底」經歷︱ 久別重逢，重逢曾經的自己，陳笑言專注目前，不太想回到過去或窺探未來，「係以前發生某啲嘢，造就今日我呢個人。過去已經過去咗，所以我都唔想返番以前改變啲乜嘢。」中年蘇昇華（鄭伊健飾）創作路上跌入瓶頸，陳卓賢自言年資尚淺，暫時還沒遇到，將來則未知：「之前反而經歷過瓶底，好似提唔起勁去做呢樣自己原來鍾意做嘅嘢。瓶頸係你想尋求突破先會遇到瓶頸，但你自己唔想做，你嘅心態已經崩塌咗之後，你唔會遇到瓶頸（笑），只會喺瓶底。」 「我諗係（當時）因為對呢一行唔適應，同埋期望落差。當初入行係因為鍾意音樂，正如做運動員係因為我鍾意打波，純粹做呢樣嘢，繼續做好自己。但呢行比較被動…可能你focus喺做音樂，但有好多其他外邊因素發生，影響你嘅心態，影響你內在嘅成長咁樣。」 ︱「人生好多嘢都係徒勞無功，但過程會有得著」︱ 去年十月MIRROR上Oscar節目《夜間失格》抽籤答哲學題，陳抽中的是：「人生哪個階段才是真正變老？」入行談初心，現在說初老。節目中陳認為初老是：「好多嘢你做完，你係無能爲力，改變唔到，但依然嘗試去做嗰個階段。」無關年紀，而是關乎靈魂和思維，偏向更加成熟更有歷練。「就算明知有啲機會唔係你，咁你係咪唔做？我覺得唔係。面對到嗰個位，令你嘅思維喺面對日後嘅嘢都會唔同。」 兩個月後再問他「初老」這回事，陳說：「呢個係我認為嘅『成熟』，並唔係話我覺得自己而家好成熟（笑）。我眼中嘅成熟係，有啲嘢你知道做咗都未必有好嘅結果，但你仍然會做。我覺得自己未完全達到呢個程度﹐但追求緊呢樣嘢。我覺得有時…人生好多嘢都係徒勞無功，但過程會有得著。」運動員求爭勝，「結果就係要贏，但而家覺得未必所有嘢都關結果事，唔關乎輸贏，而係你係唔係achieve到自己想achieve嘅嘢。但而家發覺呢樣嘢都未必最重要，而係你過程中拎到乜嘢。」 ︱Nat：追求結果 學習平衡︱ 陳追求過程，入行不久的Nat追求結果，學習平衡。「我覺得我由享受過程，到而家慢慢追求結果…which我覺得唔好…但我覺得呢個『上落上落』係要經歷嘅。可能因為我太新，好多嘢都會令我好興奮，日日開工都好開心好興奮，但慢慢就會覺得…習慣咗，之後會變得負面啲，容易見到啲自己唔太滿意（自己）嘅位，呢樣嘢相信好多人都經歷過。係好事嚟嘅，因為代表你對自己嘅要求慢慢高啲。」 「但我覺得…又唔使太執著呢啲位，太認真會令到自己唔開心，要搵番個balance：做到最好嘅quality，同時享受每一日。」Nat謂對自己要求很高，給自己太大壓力，「幸運嘅係，身邊嘅人真係好好，好支持我鼓勵我。我遇到每一個前輩都對我好好，會分享好多嘢畀我。」 撰文：tbiytc_tbiytc".