娛壹 as1.entertainment on Instagram: "《陰目偵信》兩謝票場爆滿 DeeGor 周家怡 保錡感謝支持 逐一回應Keyword：負評 情緒勒索 謝票 票房毒藥 香港電影 #ERROR 主演電影《 #陰目偵信 》昨晚（18日）繼續謝票﹐有DeeGor #何啟華 、 #周家怡 及 #保錡 ，兩場謝票爆滿。經歷過「十人謝票場」的保錡笑道：「有haters想影相，影十個人嗰個（畫面）喎！」適逢昨晚《ERROR暑期自作業》播 #死腳膠 first take，兩子即場示範「深喉嚨」演繹，更有fans送上西蘭花示愛。 有觀眾追問哪位是道具破壞王者，何啟華放空兩秒，猶疑問：「…係咪我呀？」#磨轆西瓜 終於記得自己把刀：「我都整斷咗一次，佢有真刀同假刀，真刀整唔斷，不過整彎咗。劈水果劈彎咗。」Fatboy #梁業 也是破壞王者，道具食物都給他用胃部暴力化解。 【拍續集？「唔會！」】 有人問會否拍續集，保錡即答：「唔會！」家怡也說：「唔會喇，因為而家個票房好似麻麻地。」謂電影留伏線拍續集：「但就要睇大家囉，仲有少少時間，希望大家叫多啲人睇！」 保錡自認 #票房毒藥 ，說：「得我一個謝票、票房係差之嘛，我令部戲搭沉船。」家怡不忍：「你唔好咁講自己啦。」保錡稱：「我攬咗最差嗰樣嘢先！我哋有義氣㗎嘛！你哋喺電影圈要繼續發展，我呢，可有可無，咁我做票房毒藥啦！」何啟華更度好標題：「吳保錡話票房失利係佢個人責任」，保錡另開題：「香港第一新晉演員 票房毒藥吳保錡」家怡跟他握手：「多謝你。」讚他演得不錯﹐又說：「做得好冇用㗎，冇人睇！」 「票房有冇奇蹟， #我哋都已經放低咗 ，真心想多謝你哋每一位仍然肯入場支持我哋。」三人鞠躬致謝。何啟華續說：「唔通乜嘢都唔做咩？係咪咁講先？帶住呢個精神， #繼續拍好香港電影 ！」家怡謂：「 #多謝你哋揀香港電影嚟睇 ，多謝！」 【為cap圖人士提供寄托】 何啟華謂肉赤fans勞心勞力繼續支持，又說現場有六七成觀眾「生面口」，應是首次入場。家怡忽然說：「監製話有啲人特登cap冇人睇嘅場次，『套戲冇人睇！』跟住係咁努力攻擊。我哋套戲成就咗…每一日可以做下嘢﹐有少少寄托。」保錡就謂：「我都開心佢哋有留意套戲，好respect佢哋，多謝！」與家怡齊合十致謝。另類「謝票」。 【支持香港電影係情緒勒索？】 監製 #戴栢豪 嘆網上留言多「未睇先判」，或與電影質素無關，「更多是出於一種『想你死』的怨恨，力度堪比指罵殺父仇人。」香港電影不時被風向留言標籤：告急＝情緒勒索／賣慘，呼籲支持港片也是 #情緒勒索 ，《窄路微塵》後情況更明顯，《陰目》的港味更獲內地網媒特別撰文「招呼」。 何啟華奇道：「情緒勒索如果成立，就代表佢work咗先啦；如果佢work，咁我哋就勒咗幾千萬喇喎…」家怡不解：「但我哋都勒唔到呀！係咪自己人對自己人特別harsh？」保錡正色道：「我諗係香港壓力大，可能返工俾人鬧完，搵啲嘢鬧下咁囉。搵嘢鬧係最好嘅發洩方法。如果鬧完令佢開心咗，我哋反而係做咗善事。」 家怡補充：「意見大家一定會睇，有負面意見係好事。你話係咪做得好好？可以講唔係啦。永遠每一套戲都可以做得更好。睇留言嘅時候，希望台前幕後要識得分。善意、鼓勵嘅批評要take；但人身攻擊、或者有啲連睇都冇睇（便批評），我諗團隊可以放低啲。唔係話大家盡咗力就大晒，但大家係有個心想做一件事、喺有限嘅budget下已經盡力做。做完之後，唔好因為惡意批評令情緒低落，或者冇力再行落去。」 【何啟華：『支持香港電影！』咁唔通唔講呀？】 何啟華謂：「（劉）青雲前輩話齋，有人講好過冇人講。由我追夢、好想做演員嘅時候已經見識到市道幾坎坷。中間好似好番啲，而家好似回復故態‥我哋喺度講話『支持香港電影！』咁唔通唔講呀？梗係要講！」家怡搶咪：「而家已經越嚟越少廣東話嘅戲喇！」 保錡也表示：「好似何啟華拍過《 #脫皮爸爸 》咁（古天樂、吳鎮宇主演，16年拍竣至今未有映期）大家都冇睇過。明明係一套好好嘅電影…」家怡走到鏡頭前扮嗌cut機，何啟華高呼：「所以，都係嗰句，香港電影就係：做咩都死，唔通咩都唔做呀？」 【謝票的意義】 有網民指193 #郭嘉駿「自以為大明星」、「唔尊重工作」拒絕謝票，甚至揚言因為193言行放棄入場。謝票變成MUST。家怡說：「團隊大家盡量，有時間嘅、或者精神OK嘅，就會出嚟。33（193）都有出嚟㗎，佢就算講完之後都有照出。我哋盡力做咗就問心無愧﹐要放低㗎喇。」何啟華認為謝票是好事，「我更認同發哥講，香港地啲人好親切，『睇住我大』；咁我出嚟謝票，fans都係睇住我成長㗎嘛，係一個…我哋之間嘅關係，一個一定要有嘅交流。」 此時保錡趁機賣廣告：「大家唔謝票都可以見到我嘅話，可以禮拜日加入我哋 #大埔民間體育會 跑步，全免費。如果想鬧我都可以嘅，過嚟一路跑步一路鬧我都好開心。」離開鍵盤返回現實，吸收陽光是好事。 #娛壹"

514 likes, 5 comments - as1.entertainment on August 18, 2023: "《陰目偵信》兩謝票場爆滿 DeeGor 周家怡 保錡感謝支持 逐一回應Keyword：�..."