娛壹 as1.entertainment on Instagram: "《得寵先生》百狗集體被害 專業狗演員 躺草地扮中毒暈倒 盧慧敏拯救 割損手掌流血 「女主角」Little病逝 主人哽咽謝票 “我一直都唔知Little有演戲天份 不過知道佢好鍾意人 鍾意學新嘢” 關於老人與狗的溫情小品電影《#得寵先生》上映第二周，票房已突破200萬港元，男女主角 #鄭丹瑞（#旦哥）和 #盧慧敏（Amy)決定加碼謝票場，隨時驚喜現身，以答謝觀眾支持，還加開人寵場，讓更多狗狗與主人一齊入戲院睇戲。 【「燒腩」Little主人哽咽謝票︰唔知佢對電影咁有熱誠】 戲中，與阿旦甚多對手戲，飾演「#燒腩」的 #唐狗演員Little，表現贏盡掌聲，台前幕後更封她做「最佳女主角」。Little早前因病去逝，主人Suki日前現身謝票，感謝劇組給予Little機會時亦有點感觸。她說：「我一直都唔知Little有演戲天份，對電影咁有熱誠，不過知道Little好鍾意人、好鍾意熱鬧，好鍾意學新嘢，所以呢個機會...」Suki一度哽咽，全場報以熱烈掌聲。 她續說：「多謝電影團隊喺整個拍攝期間畀咗好多愛Little，兩年後嘅呢一刻，我終於喺螢幕上再次見到Little，好開心、好感觸。多謝所有演員拍出一套咁有意義嘅戲，令大家更關注流浪動物，希望大家支持領養。唐狗真係好聰明好可愛。」Amy(盧慧敏)感動回應，說：「好多謝你畀Little拍呢套戲，佢真係做得好好！」 過去唔少流浪貓狗遭受毒害，戲中亦有這情節，唔少人亦如盧慧敏(Amy)飾演的流浪狗舍義工一樣，抱着狗得一隻得一隻心態，無私地奉上時間，心力去拯救。 故此網民亦力推最震撼場面是「浪浪」被集體毒害，數十隻狗狗躺在泥灘和水中一幕。義工Amy率朗朗（小演員 #黃梓樂 飾）及十幾位義工，來回跑了多轉，爭分奪秒將狗狗抱上岸送院搶救。 【不顧一切衝落污濁的泥水】 現場20隻專業狗演員躺在草地上扮中毒暈倒，加埋十幾隻道具狗模型在泥灘上漂浮，拍攝時，Amy表現專業和認真，不顧一切衝入泥灘，水位高及小腿，她的水靴都入水了，寸步難行。停機時除去水靴，倒出來都是非常污濁的泥水，但她並不在意，用清水洗淨後繼續拍攝。 【太忘我被石頭割傷手】 之後因為太忘我，手掌疑被石頭割傷流血都不自知，工作人員見狀立即替她消毒傷口。她擔心黃昏將至，潮漲和天黑前必須完成拍攝，所以洗完傷口又再埋位。戲中Amy與義工們雖然合力拯救了很多狗狗，但亦有些遭遇不幸，她跪在泥灘崩潰嚎哭。 【新導演感激Amy包容】 完成這場拍攝，導演兼編劇李志偉（Thomas）及何英毅（Daniel）一聲GoodTake，便宣佈電影正式煞科，全場歡呼，而Amy由戲中傷心的眼淚，轉化成感激的眼淚。她與兩位導演及工作人員擁抱，互相道謝。Amy高聲多謝現場工作人員：「嘩，點講？會喊㗎喎！我好衷心多謝大家，台前幕後嘅人，多謝！」 Daniel導演感激她落力參與：「多謝Amy，由最初見面、傾角色、同我哋一齊去同狗狗做練習、學做手勢、同狗狗建立關係，做咗好多功課，多謝佢對我哋新導演嘅包容。」Thomas 導演說：「喺我哋咁緊湊嘅時間裏，全力配合，真係好好！」Amy點頭，說：「係互相信任，盡在不言中！」入夜潮漲，眾人坐小艇回岸上，煞科當然要開香檳慶祝。 【阿旦外出被喚「佳叔」】 電影多正評，主角鄭丹瑞謝票時感開心，更自爆搭電梯被靚太搭訕，他笑說：「最近遇到好多識或者唔識嘅人，走埋嚟同我講『我睇咗你部戲』，有日我住嘅大廈，一入電梯有位靚太又係話『我睇咗你套戲呀』，嘻嘻！每次聽到有人咁講，我都好開心。希望除咗同我講，都同更多人講『我睇咗套戲，講老人與狗，你哋可以去睇吓啦』，推薦畀大家，去喜歡呢套電影。由兩位香港導演好用心去拍，我都用咗好多心機去做『任春佳』呢個角色。依家喺街有人叫我『佳叔』，我好開心！」 #娛壹"

1,633 likes, 4 comments - as1.entertainment on December 6, 2024: "《得寵先生》百狗集體被害 專業狗演員 躺草地扮中毒暈倒 盧慧敏拯救 割損手掌流血 「女主角」Little病逝 主人哽咽謝票 “我一直都唔知Little有演戲天份 不過知道佢好鍾意人 鍾意學新嘢” 關於老人與狗的溫情小品電影《#得寵先生》上映第二周，票房已突破200萬港元，男女主角 #鄭丹瑞（#旦哥）和 #盧慧敏（Amy)決定加碼謝票場，隨時驚喜現身，以答謝觀眾支持，還加開人寵場，讓更多狗狗與主人一齊入戲院睇戲。 【「燒腩」Little主人哽咽謝票︰唔知佢對電影咁有熱誠】 戲中，與阿旦甚多對手戲，飾演「#燒腩」的 #唐狗演員Little，表現贏盡掌聲，台前幕後更封她做「最佳女主角」。Little早前因病去逝，主人Suki日前現身謝票，感謝劇組給予Little機會時亦有點感觸。她說：「我一直都唔知Little有演戲天份，對電影咁有熱誠，不過知道Little好鍾意人、好鍾意熱鬧，好鍾意學新嘢，所以呢個機會...」Suki一度哽咽，全場報以熱烈掌聲。 她續說：「多謝電影團隊喺整個拍攝期間畀咗好多愛Little，兩年後嘅呢一刻，我終於喺螢幕上再次見到Little，好開心、好感觸。多謝所有演員拍出一套咁有意義嘅戲，令大家更關注流浪動物，希望大家支持領養。唐狗真係好聰明好可愛。」Amy(盧慧敏)感動回應，說：「好多謝你畀Little拍呢套戲，佢真係做得好好！」 過去唔少流浪貓狗遭受毒害，戲中亦有這情節，唔少人亦如盧慧敏(Amy)飾演的流浪狗舍義工一樣，抱着狗得一隻得一隻心態，無私地奉上時間，心力去拯救。 故此網民亦力推最震撼場面是「浪浪」被集體毒害，數十隻狗狗躺在泥灘和水中一幕。義工Amy率朗朗（小演員 #黃梓樂 飾）及十幾位義工，來回跑了多轉，爭分奪秒將狗狗抱上岸送院搶救。 【不顧一切衝落污濁的泥水】 現場20隻專業狗演員躺在草地上扮中毒暈倒，加埋十幾隻道具狗模型在泥灘上漂浮，拍攝時，Amy表現專業和認真，不顧一切衝入泥灘，水位高及小腿，她的水靴都入水了，寸步難行。停機時除去水靴，倒出來都是非常污濁的泥水，但她並不在意，用清水洗淨後繼續拍攝。 【太忘我被石頭割傷手】 之後因為太忘我，手掌疑被石頭割傷流血都不自知，工作人員見狀立即替她消毒傷口。她擔心黃昏將至，潮漲和天黑前必須完成拍攝，所以洗完傷口又再埋位。戲中Amy與義工們雖然合力拯救了很多狗狗，但亦有些遭遇不幸，她跪在泥灘崩潰嚎哭。 【新導演感激Amy包容】 完成這場拍攝，導演兼編劇李志偉（Thomas）及何英毅（Daniel）一聲GoodTake，便宣佈電影正式煞科，全場歡呼，而Amy由戲中傷心的眼淚，轉化成感激的眼淚。她與兩位導演及工作人員擁抱，互相道謝。Amy高聲多謝現場工作人員：「嘩，點講？會喊㗎喎！我好衷心多謝大家，台前幕後嘅人，多謝！」 Daniel導演感激她落力參與：「多謝Amy，由最初見面、傾角色、同我哋一齊去同狗狗做練習、學做手勢、同狗狗建立關係，做咗好多功課，多謝佢對我哋新導演嘅包容。」Thomas 導演說：「喺我哋咁緊湊嘅時間裏，全力配合，真係好好！」Amy點頭，說：「係互相信任，盡在不言中！」入夜潮漲，眾人坐小艇回岸上，煞科當然要開香檳慶祝。 【阿旦外出被喚「佳叔」】 電影多正評，主角鄭丹瑞謝票時感開心，更自爆搭電梯被靚太搭訕，他笑說：「最近遇到好多識或者唔識嘅人，走埋嚟同我講『我睇咗你部戲』，有日我住嘅大廈，一入電梯有位靚太又係話『我睇咗你套戲呀』，嘻嘻！每次聽到有人咁講，我都好開心。希望除咗同我講，都同更多人講『我睇咗套戲，講老人與狗，你哋可以去睇吓啦』，推薦畀大家，去喜歡呢套電影。由兩位香港導演好用心去拍，我都用咗好多心機去做『任春佳』呢個角色。依家喺街有人叫我『佳叔』，我好開心！」 #娛壹".