కొద్ది రోజుల క్రితం మూడు చిన్న అనాస కాయలు, లేదా "పైన్ ఆపిల్"లు తీసుకున్నా.. అనాస, లేదా, "పైన్ ఆపిల్" దక్షిణ "అమెరికా" ప్రాంతానికి చెందిన కాయలు అని శాస్త్రం, చరిత్ర.. "అమెరికా" అని పిలువబడే భూభాగం మిగతా భూభాగ ప్రాంతవాసులు కనుగొన్న తరువాత పదిహేడవ, పద్దెనిమిదవ శతాబ్దంలో మిగతా భూభాగంలో వ్యవసాయ సాగులోకి వచ్చినట్టు చరిత్ర. మామూలుగా ఈ పళ్ళు ధర ఎక్కువ కాబట్టి ఇవి ఎక్కువ తినను.. కొద్ది రోజుల క్రితం కొంచం తక్కువకు దొరికింటే తీసుకున్నా. అనాస లేదా, "పైన్ ఆపిల్" చాలా బాగున్నింది, చాలా బాగుంటాయి.. ఒక తియ్యటి, పుల్లటి, పదునైన, చురుకైన అమృతం.. స్థానిక ఆహార పదార్థాలను ప్రోత్సహించడం మన అడవి, ప్రతి భూభాగ అడవి సంరక్షణ అని గుర్తు పెట్టుకోవడం మర్చిపోకండి..

ప్లాస్టిక్ వాడకండి.

ఎప్పుడో తీసిన చిత్రాలను చూస్తుంటే ఇది కనిపించింది.. తీసి దాదాపు ఒక సంవత్సరం అవుతోంది. బాగుందని పంచుతున్నా.. అమ్మ చేసిన అన్నం, అమ్మ తయారు చేసి "ఫ్రిడ్జు"లో పెట్టిన మామిడికాయల రసం (అప్పుడు ఫ్రిడ్జు ఖాళీ చేయాలన్న ఉద్దేశంతో తీసి తిన్నా.. ఫ్రిడ్జు వాడకం ఆరోగ్యానికి, పర్యావరణానికి మంచిది కాదు), ఇంకా నేను నానబెట్టిన మాపిళ్ళై సాంబ బియ్యం, గోధుమలు, రాగులు, అరికెలో, కొర్రెలో, ఏదో సరిగా గుర్తు లేదు, ఉద్ధి బేడలు, ఇంకా మట్టి రంగు శనగలు.

ప్లాస్టిక్ వాడకండి.

౧౭ డిసెంబరు ౨0౨౪.

#శాఖాహారం

చెక్కెర తయారీలో, ముఖ్యంగా తెల్ల చెక్కెర తయారీలో జంతువుల ఎముకల పొడి వాడుతారంట. అందుకని చెక్కెరను, లేదా తెల్ల చెక్కెరను శాఖాహారంగా పరిగణించలేము. మీరు శాఖాహార, లేదా "వీగన్" ఆహార పద్దతి పాటిస్తుంటే చెక్కెరను వాడకండి. చెక్కెర బదులు బెల్లం వాడచ్చు. బెల్లం చెక్కెర కంటే ఆరోగ్యానికి మంచిది.

బెల్లం సేకరించేటప్పుడు ప్లాస్టిక్ వాడకుండా మళ్ళీ ఎన్నో సార్లు ఉపయోగించగలిగే మీ సొంత డబ్బాలో, లేదా, సొంత దూది, లేదా, ఇతర కృత్రిమ రసాయన రహిత దారాలతో చేసిన, కృత్రిమ రసాయన రంగులు వేయని సంచిలో తీసుకోండి.

ఈ రోజు.. నానబెట్టిన, కొంచం మొలకెత్తిన ముడి బియ్యం, సద్దలు, అరికెలు(లేదా కొర్రలు :/, ఏందో అర్థం కావడం లేదు), గోధుమలు, కుంకుమ పెసలు, ఉద్ధి బేడలు, తడిపిన ఎండు సిర్ర్యాకు ఆకులు, కొన్ని వేరుశనగ గింజలు, కొన్ని కొబ్బరికాయ ముక్కలు, ఒక అమ్మ నాటిన దానిమ్మ చెట్టు కాయ విత్తనాలు, ఒక కీరకాయ, రెండు దొండకాయలు, ఒక క్యారెట్, ఒక బీటుదుంప, ఒక టమేటో, వేయించిన బంగాళాదుంప, ఒక వంకాయ, కొన్ని బీన్స్, ఒక అరటిపండు, ఇంకా ఒక నారింజ.. వీటితో పాటు ఈ రోజు అమ్మ చేసన అన్నం, నిన్నటి బీరకాయ, టమేటో చట్నీ, ఈ రోజుటి పప్పు, రెండు దోసెలు, ఎండు కొబ్బరి చట్నీ తిన్నా.. ఒరేయ్ అది కడుపా చెరువా.. ఈ ఒక్క రోజు చాలా ఎక్కువ అయిపోయింది..

ప్లాస్టిక్ వాడకండి.. మీ సొంత, మళ్ళీ ఎన్నో సార్లు ఉపయోగించగలిగే దూది సంచులలో, సొంత డబ్బాలలో ఆహార పదార్థాలను సేకరించండి. సేంద్రీయ ఆహారాన్ని ప్రోత్సహించండి.

వ్యాపారాలు పొద్దు కునికిన తరువాత, సూర్యుడు అస్తమించిన తరువాత మూసివేయాలి.. ఒక దొంగల రాజ్యం మాత్రమే కుటుంబాలను పీడిస్తూ ఉంటుంది..

నిత్యావసరాలు తప్ప*