如果Passion prime係Kick starter:

step1. 5月尾時公佈目標要夠4000個訂閱，半年$390 ，預定8月初開台。
step2. 訂閱人數冷淡，不足目標一半。
step3. 7月初宣稱目標減至3000，如7月底前不達標計劃會取消，甚至連熱血時報也可能倒閉。
step4. 7月底時訂閱數不足 3000 ，但如果再多300 個便勉強可開台。
step5. 宣佈達標可以開台，同時首次披露半年$390 只是優惠價，開台後的正價是半年$980 ，不趁開台前買定更多就笨 <<< 現在到這裡

step6. 預計之後過時過節，如皇后誕、台慶、年宵等會再有「優惠價」推出，多多都有得出賣。

龍門任佢搬 N 次，訂閱數無公開，黑店都無咁黑

難得有人剪左精華版，真係要欣賞下熱時大亨的口才

https://youtu.be/aMWY1VYn7TQ

Prime得千幾人訂隨時開唔成，出到最後通牒賣小強，話嚴重考慮想摺台，即時 cut 到得返有限度重溫。黃洋達話唔係做佢想做，而係你需要睇，做咁多野都咁少support ，真係學黃子華話齋面斥不雅，面臨摺台乞你錢都重要串你。

睇留言，都估到最後殺著就係迫僅餘的一千幾百死忠一人課多幾份，課到夠 3000 就勉為其難做落去。最終加埋書展應該乞到 2000 左右，收返一百幾十萬磨多排又可以食清淡啲，然後又好似熱狗仔隊咁收成230萬都成日提住唔夠數都照做，但成年都無一單報導咁神奇。如果真係開唔成 prime 要摺台，果 230 萬就袋袋平安，分分鐘已經密謀左好耐 cut cost 準備摺台。

講足兩節自己有幾慘幾慘，就係唔認個台經營不善，原則話變就變，自己人做就天公地道，對家做就皇天擊殺，有反對聲音就打成 hater 。又一直暗示責任在於觀眾唔支持，明明自己已經做左幾多幾多。結果又真係有一班傻仔上當繼續供養佢兩公婆，都幾無奈。