#دعاء #مساء_الخير #مساء_الخير_والسعاده #جده #مساء_الاجواء_الحلوه #مساء_الخير_والسعاده_للجميع

اللهم احسن عاقبتنا في الامور كلها واجرنا من خزي الدنيا وعذاب الاخرة.

عز الله ان عرف الرجال الطحاطيح
هي التجارة كان تبي التجــــــــارة

اللي لخزنات المراجل مفاتيـــــح
وفيهم على صكّات بقعا نعارة

ان جيتهم تقلط على هبّة الريح
وان غبت عنهم ما قفوك بعيارة

ون شان وقتك جوك من غير تلميح
وان زان وقتك وصلوك الصدارة

يفداهم اللي لنميمة مشافيــــــــح
يْحَسْبون تفريق الجماعة شطارة

ابشر بهم وقت العشا والمفاطيح
وبالمعضلات ابشر بكبر الخسارة
-
#شعر // #عارف_ال_سدران

ما يدرك الطيب غير مجربٍ من مبعدين الشبوح
الطايلة ما يفوز بها الردي جعل الردي للذهاب

المبعد اللي له النمة غبوقٍ والخيانة صبـوح
جعله فدا للرجال اللي يحثون النضا بالعقاب
-
#شعر // #راشد_بن_جعيثن

لا يغيب طاري والدينك عن البال
حتى ولو ما طاعك الحال طعهم

لا تنشغل عنهم على كل الأحوال
اسمع شكاويهم وحس بوجعهم

بكره يدور الوقت ويجونك عيال
ويُفْعَل بك اللي كنت تفعله معهم
-
#شعر // #سعود_العواجي

يا عاشق الشعر ما أحدٍ قايلٍ خلّه
إلا ليا صرت ما أنت بكاتب جزاله

يا كثر.. ناس الشعر والشعر يا قلّه
وكم واحدٍ لو يموت الشعر ما قاله
-
#شعر // #هلال_المطيري

رح بعيد أبعد من الدمعه على العين الخليّه
رح بعيد أبعد من الشرهه على ضحك الميانه

وأبعد من الحلم للِّي خاب ظنّه في خويّه
وأبعد من اليأس للِّي طاب حظه في زمانه
-
#شعر // #رشيد_الدهام

يالله ياللي تغسل الأرض بالسيـــــل
اغسل قلوب أهل الحسد من حسدها

وترد كيد أهل القلوب المغاليل
بنحورها وعن الوجود تحصدها

واجعل لنا من باب يسرك تساهيل
مدات جودك نستمد بمددهـــــــا

بارك لنا بالمد والصاع والكيل
ونفوسنا عطها القناعة وزدها
-
#شعر // #خلف_بن_هذال

احيان تخطي لك خطا غير مقصود
مهما تعذر يعتبر هرج فاضــــــي

لجل الخطا عندك مثبت وماكود
امراً من الله راضي او منت راضي

اخضع لربك واقبل البيض والسود
ما لك على حكم الاله اعتراضي

والظفر دايم يعذر ويكسب الزود
لو ان زلاتك طوالاً عراضــــــــــي
-
#شعر// #بخيت_السناني رحمةالله