好鍾意右邊張相，1861年，英式建築加清朝裝束嘅人😆

#oldhongkong

話劇《羅生門》(續)
此劇改編自芥川龍之介嘅兩個短篇小說《莽叢中》及《竹林中》，因黑澤明嘅電影《羅生門》享負盛名，所以《羅生門》呢個名字比較為人熟知。而作者同編者都想帶出：所謂「真相」是否真實存在？一如盜墓賊再三說：「人只講自己想講嘅嘢，只聽自己想聽嘅嘢。」強盜、武士同女人為咗想呈現自己想表現嘅一面而扭曲事實：強盜想表現自己係同武士公平決鬥而殺咗佢；武士想表現自己為武士精神不甘受辱而自殺；女人想表現自己嘅忠貞忠烈。我哋要如何去反思呢啲言之鑿鑿嘅「客觀事實」？尤其係放返去歷史同新聞事件之中，不同嘅觀點與角度叢生，話語權落在誰手又會如何影響人們嘅解讀？而喺現實中，眾口一詞嘅言論亦都更容易被忽略佢嘅危險性。所以求真、反思同批判嘅精神係何其重要。

而此劇亦探討道德問題，劇中有道德潔癖嘅僧侶，其反面係徹底忠於自己嘅賊，樵夫就如平凡嘅你我，為現實生活而喺道德選擇間拉扯。樵夫為咗養家被迫去偷把劍，盜墓賊就只係為一己私欲而偷同搶。絕對道德主義就會話偷嘢就係錯，然而係現實中並非非黑即白就可以解決到問題。喺絕對道德同道德虛無之間，有邊啲係一定要堅守嘅原則？喺唔同情境中要如何去取捨？
#中英劇團

話劇《羅生門》
故事大要：還俗僧侶，樵夫同盜墓賊喺竹林相遇，談論起一單案件——樵夫發現武士嘅屍體，強盜被捕，承認自己係兇手；武士嘅妻子就話佢被強盜污辱後，丈夫對佢鄙視同輕蔑，於是就殺咗佢，再打算自殺卻又不果；武士嘅亡魂就話佢係自殺而死。

每個人都各說各話，樵夫對此非常憤恨；喺盜墓賊嘅追問下，僧侶疑惑嘅眼光下，樵夫終於講出佢目擊嘅真相：原來，各人都係為咗自己嘅面子而講假話，武士只係因為意外而插死咗自己...「真相」大白，僧侶因為樵夫之前講大話而流露厭棄表情，盜墓賊則對樵夫講：「我信你，唔係因為你係個『正直』嘅人，而係因為呢個故事比較可信，嘿嘿。」

突然林間傳來嬰兒喊聲，眾人循聲而至。僧侶抱起嬰兒，盜墓賊一把搶過裹住嬰兒嘅毛氈據為己有，樵夫好嬲想搶返佢，一邊鬧個賊，盜墓賊就嘲諷樵夫：「我頭先幫你掩飾，係因為你，同我一樣都係賊，嘿嘿嘿。」僧侶詫異咁望住佢哋。盜墓賊繼續講：「你話你見唔到有劍，咁把劍去咗邊呢，嘿嘿嘿。」樵夫跪倒在地，賊離去。樵夫終於講最後真相：「我屋企有六個孩子要養...大師，你知唔知，一把劍都可以抹去好多眼淚。」僧侶頓時醒悟：「我以為我教咗人哋好多嘢，點知你教咗我更多。」

牛棚藝術村

#詩 #東遊西渡

恐懼會限制我們的想像。

#CAFnote