十幾年來睇咗無數咁多次《29+1》，劇場與電影都有捧場，雖然對劇情同對白已滾瓜爛熟，不過可能年紀漸長，所以每次都有唔同體會和觸動。一開始或因為情路茫茫，之後到事業瓶頸，唔好彩的話疾病對家人或自己嘅煎熬，所有我認識有睇過嘅人百份之九十都睇到又喊又笑。唯二有兩個話冇乜感覺嘅朋友，都係堪稱人生勝利組，屋企有錢雙親健在，放洋留學返嚟又小有事業，揸靚車住洋樓仲組織埋自己家庭⋯ 大佬呀你咁屈機，唯有學劇中林若君咁問黃天樂一句：「你有冇嘢會唔開心架？我諗你冇呀！」😭
簡單來講，套劇係自虐的，但同時候亦係情緒釋放，林同黃用自己嘅經歷話比大家知，你嘅人生路並不孤單，你遇到嘅挫折好多人都一樣遇到，甚至係一次過送上門，大家都係一樣咁滾過。撐過了，就會漸漸向好。
今次入場同之前感到最大的不同，係劇中好多有關八九十年代嘅gag，愈來愈多年輕觀眾唔明/冇共鳴。尤其今次係有電影版後第一次公演，多咗好多2x歲觀眾第一次入劇場，講到「日落巴黎」真係見到佢哋滿頭黑人問號。其實彭秀慧都講過唔想再重演，今次都只係因緣際會（有期有投資者），所以將來真係未必再有機會。剩返幾場，有興趣嘅朋友請好好把握喇。
#芝公園偽文青 #SS