Stefanie NeumannAne day in Autumn A awaukit, faggit frae ma dreams. The sun shane bricht frae a blue sky, but, sae A wisnae #fain o steyin in. The pairk war cawin, wi hit's noo colourfu beech trees, redolent o fungi an sile.
The river's draig maun hae been #doon, as A noticed a sautie waff in the air, brocht forder intae the ceety by the wast wind. A coud see seamaws circelin up in the sky.
A couple o craws war circlin aneath thaim. Ane o the craws stertit tae chase the seamaws, that wee #bangster. Thay war nae bathert, but, an raised jist uppermair an oot o reak fer the craws.
This maun hae been a #stamagast fer the craws, 'at fecht and tuilyied, noo, afore thay flew awa. Atween haunds, A makit ma way tae the pairk, alang the fore yairds o single hooses an thance by the refugee hames.
The pairk's ingang wisnae #faur, onymair. Mony fowk war oot an aboot, some o thaim wi thair dugs, ithers wi thair human faimilies. A haurd bairns lauchin.
A makit hit by the main meidae wi aw the fowk playin an barbequin until A reaked the firth o the pairk, tae thance #ettle fer the heirskip pertectit Dahlia Gairden.
Oan ma way, A see'd a lass #hunker ahind an auld clog-ruit. Erest, A thocht she'd be in tribble. Thance A diskivert her freend facin a stoot tree, coontin, an realeesed thay war playin hidie.
A conteenaed oan ma way aneath the ruif o beech trees, the gowden, green an orange leafs in contrast anent the clear-blue sky, whan a #pooer-fu gowst soopit some o thaim awa.
The leafs wad #glade throu the spicy air an ower ma heid in a gallus dance afore thay birled tae the grund. Whan A walkit throu thaim, hit makit a reeshle.
Mindit o ma days as a bairn, a teuk a deep breith an walkit oan wi a lowp in ma stap, feelin #wellsom wi a suddentie, fer the first time in a lang while.
Ach, foo A'd lik tae skare this maument wi ye. A ken ye'd e'endoun unnerstaund, an luv it. We're a braw #marra wi sic things an A'm missin corrieneuchin.
Giein thir thochts tae the great mither, A'm howpin she's seein efter ye.
A willnae git #grumlie, but. Insteid, A'm bethankit fer tae ken ye. Anither deep breith grunds me intae this beautifu blink. The sool wairms ma hairt an A'm mindit tae aw keep the licht fer ye.
Lik a #fuil A'm lowpin thru the colourfu beech leafs 'at ur birlin an dancin aroond me, while A'm gittin closer tae the Dahlia Gairden.
By the ingang in aside the gairden, A lat masel plunk intae ane o the widden sattles, lik a #lurdan, takin in the bonnie sicht wi anither deep breith.
Efter a wee, A #heize masel aff the sat, agin, tae douk in the bricht colours o the dahlias. It makes ma hert sing e'en noo.
In aside the saundy gate, A find whaanious #kemp bluim, still. It's fair late in the year fer 'at. The bees enjey it, but, an aw the dahlias, crannie's nebs (geranium), an rudbeckias o the gairden. It's a richt bummlin, awwhaur.
Efter a while pine gurges throu ma leg acause of 'at auld skaithe. A #hirple tae the wee buith by the main ingang o the gairden fer tae git a coffee.
A hivnae realeesed foo #disjaskit A war! Sae, A jist sit wi the wairm coffe atween ma haunds, an watch fowks daunder, dugs daff, an bees bummle.
Ower at the ither table, a brattle maks me waur o a #wanhap, whan a stuir dug chases efter a drummie bee, sae it's leash sweels aroond the brod an the jag douses a beldame's cuppie.
Thance, the duggie jouks #ablow the table wi it's fud atween the hint legs, The dame stert's lauchin, but, a law, rauk belloch wi a skinkle in 'er een.
'Dinnae #duil yer duggie', she spiks tae its maister, 'sit an hae anither cuppie wi me, insteid.'
The #glower o the aulder gent 'at is the duggie's maister chynges intae a kynd blink as he sets aff ate git twa mair cups o tea.
#Scotstober 21 - 22
@DrMDempster
Bodhipaksa@KokopelliBFree @DrMDempster Braw, Stefanie. Just braw!
Oh, Thankye, Bodhipaksa. 😊
@KokopelliBFree @DrMDempster Ye're weilcom! Ye've yaised Scots wirds A dinna ken! Brava!
By the by, are ye daein #Scotstober on Twitter an aw? A'm wunnerin hoo it's gaein owerby.
Ay, A'm daein #Scotstober oan the Twitter, the Bluesky and here. Didnae hae muckle time tae luik at awbodie's wirk, but. A think hit's nae as mony fowks as the fernyear oan the Twitter.
Scrievin and readin is ane thing... spikin an hearing anither... 😅
@KokopelliBFree @DrMDempster Mibbe ye cud let @DrMDempster ken at we hae a wee #Scotstober thing gaein on ower here an aw?
A dinna hae an accoont owerby, or A'd dae it masel!
Braw thocht! Duin!
Angela Miller@bodhipaksa @KokopelliBFree @DrMDempster
Ah hae spoken tae him oan Facebook. He's been haein issues gettin lugged ontae Mastodon.
Ah hae spoken tae him oan Facebook. He's been haein issues gettin lugged ontae Mastodon.