Agar khilaaf hai hone do jaan thodi hai
Ye sab dhuaan hai aasman thodi hai

Lagegi aag to aayenge ghar kai zad me
Yahan pe sirf humara makan thodi hai

Main jaanta hoon ke dushman bhi kam nahi
Lekin humari tarah hatheli pe jaan thodi hai

Humare muhn se jo nikale wahi sadaakat hai
Humare muhn me tumhari zuban thodi hai

Jo aaj saahibe masnad hain kal nahin honge
Kiraaydaar hain zaati makaan thodi hai

Sabhi ka khoon shaamil yahan ki mitti me
Kisi ke baap ka #hindustan thodi hai

-Rahat Indori