Eta hau? Nerabeak leku jakin batzuetan batu daitezela eragozteko gailu bat, gero eta hedatuagoa, antza, helduok nekez entzun dezakegun frekuentzia altuko soinu desatsegin bat etengabe emititzen duena. Irrigarri bezain beldurgarria, ezta? 0.O

https://www.xataka.com/magnet/extrano-zumbido-que-solo-puedes-escuchar-a-edad-frecuencia-que-japon-eeuu-europa-utiliza-jovenes

#trepetak #bitxikeria #teknogizartea

Lehen kontaktua: RocketBook Core koaderno ‘adimentsua’

Publikoak hala eskatuta, aspaldiko ohitura bat berreskuratu dut eta probatzen ari naizen azken trepetatxoaren analisi txiki bat ekarri dizuet beste bideo horroroso batean. Eh! Peertube kanala estreinatzeko balioko du, gainera!

https://peertube.eus/w/v7TyGMpNZGsn5nUDLf5aoo

Laburbilduz, RocketBook Core hau koaderno ‘adimentsua’ edo konektatua dela esan daiteke. Bi bereizgarri nagusi ditu:

• Behin eta berriz berrabil daiteke. Boligrafo mota jakin batekin erabili behar da (Pilot Frixion delakoa), eta orrialde guztiak betetakoan, zapibat eta ur tanta batzuk erabilita garbitu daiteke. Sikatu ondoren prest dago berriz erabiltzeko.
• RocketBook aplikazioarekin eskaneatu eta edukia erraz digitalizatzeko pentsatuta daude. Orriek QR eta bestelako marka berezi batzuk dituzte ertzetan. Marka horiei esker, RocketBook aplikazioa erabiliz oso erraza da koadernoan idatzi duzuna eskaneatu, testu bilakatzen saiatu eta online zerbitzu ezagunenetara igotzea. Testua ezagutzeko OCR zerbitzuak ingelesa baino ez du ulertzen ofizialki, eta beraz, nik bezala euskaraz idazten baduzu, eta kaligrafia kaskar samarra baduzu, era guztietako sorpresak aurki ditzakezu!

Bota begiradatxo bat bideoari, ea interesgarri suertatzen zaizuen. Edozein galdera, iradokizun eta abar, ongi etorria, noski!!!

#digitalizazioa #ocr #probak #rocketbook #trepetak #unpoltsing

Teknopataren Txokoa: Ozpin sindromea

Badakizue zer den 'ozpin sindromea'? Nik ezustean ikasi berri dut, 2003 inguruko nire iBook zaharra kutxatik atera dudanean.

https://www.teknopata.eus/2024/01/ozpin-sindromea//?utm_source=mastodon&utm_medium=referral&utm_campaign=autopost

#Apple #gatxetak #MacOsXEuskaraz #OzpinSindromea #trepetak #vintage