有片︱
Jeremy李駿傑否認抄歌
稱發現相似後 「都想認真對待問題」
承認唔夠敏感
「起初聽時真係冇意識到」
Fans批評編曲阿韜、監製王雙駿
Remy：我都有責任
#MIRROR 成員 #Edan (#呂爵安)、#姜濤、#Jeremy（Remy）(#李駿傑)及 #AnsonLo (#盧瀚霆) 今日現身apm，出席小組團綜《呂濤米Lo Seoul》記者會。記者會之前，Remy作曲、被指抄襲韓國男團 #StrayKids《Red Lights》的新歌《 #TieMeNow 》於串流平台及YouTube下架。
記者會後，Remy回應涉嫌抄歌一事，早有腹稿回應。談到將《Tie Me Now》下架，改為推出Intense version，是否變相承認原曲「有問題」？他說：「見大家呢幾日為呢件事而唔開心，出現不同討論，我都有為呢件事唔開心。講真，做音樂初衷只想帶唔同面貌俾大家，讓大家可以開心enjoy music，所以透過呢件事而作...
#音樂 #抄襲 #娛樂
https://www.instagram.com/p/DIyq9QJPIU6/
931 likes, 37 comments - as1.entertainment on April 23, 2025: "有片︱ Jeremy李駿傑否認抄歌 稱發現相似後 「都想認真對待問題」 承認唔夠敏感 「起初聽時真係冇意識到」 Fans批評編曲阿韜、監製王雙駿 Remy：我都有責任 #MIRROR 成員 #Edan (#呂爵安)、#姜濤、#Jeremy（Remy）(#李駿傑)及 #AnsonLo (#盧瀚霆) 今日現身apm，出席小組團綜《呂濤米Lo Seoul》記者會。記者會之前，Remy作曲、被指抄襲韓國男團 #StrayKids《Red Lights》的新歌《 #TieMeNow 》於串流平台及YouTube下架。 記者會後，Remy回應涉嫌抄歌一事，早有腹稿回應。談到將《Tie Me Now》下架，改為推出Intense version，是否變相承認原曲「有問題」？他說：「見大家呢幾日為呢件事而唔開心，出現不同討論，我都有為呢件事唔開心。講真，做音樂初衷只想帶唔同面貌俾大家，讓大家可以開心enjoy music，所以透過呢件事而作出呢個下架決定，MV都要落架，再出新版本。」 他稱是跟Am Team及音樂團隊商量之後決定，「我要坦然面對自己音樂同舞台，都想自己做一個更加好嘅表演畀大家睇，因為有一個咁樣情況，對於自己呢隻歌舞台上表演，會有遲疑。唔想有呢個情況發生，寧願每次可以表演出100%畀大家，所以推出一個新版本，畀大家Feel到呢首歌真正力量係乜嘢。」 「我自己冇抄襲意圖，希望今次作品畀大家睇到更成熟Jeremy，透過今次經歷，學得更加多，令自己作曲或音樂上有更好作品。」 ︱「其實我自己發現相似後 ，都想認真對待問題 」︱ 之前Remy在不少訪問及個人社交平台直認愛K-pop，《Red Lights》亦在他個人playlist上。問及首次《Tie》編曲，有否覺得耳熟或似曾相識？Remy說：「 #的確呢首歌我有聽過 ， #但聽過唔一定抄佢 ，因為作為artist，都知抄襲係一件好大件事情，唔允許發生。」 記者再追問有否察覺兩曲Intro相似，他就說：「第一次聽時候…覺得好多唔同元素嘅歌，都有特定元素相似入面， #其實我自己發現相似後， #都想認真對待問題 、去解決問題。」問他言下之意是否「起初聽時唔覺似？」他就說：「可能自己聽好多歌， #起初聽時真係冇意識到…」 ︱關於references問題…︱ 《Tie》派台後，Remy曾撰感謝文，直認因為不懂得寫音樂底，就連demo也是人聲，非常感謝監製Carl叔，「要明白我先可以完事。處理編曲嘅時候我又唔識表達，只可以大概講自己feel。」另他又感謝編曲人阿韜，「聽到每一段都有唔同嘅編排，辛苦你了。」 問他編曲部份參與了多少？他謂：「編曲係我自己腦入面有畫面及感覺，就同Carl叔講，我想要啲咩感覺。去到最後有呢件事發生咗，大家都唔想。編曲阿韜同監製Carl叔叔都好，都想自己作品更加好。」至於編曲references，Remy謂：「因為腦入面有好多唔同諗法，我都係聽K-pop大， #好多嘢交織一齊時，可能自己都未必咁sensitive、關於似邊一首歌。我每次寫完歌都不停問身邊朋友，『你有冇聽過呢首歌呀』。喺呢個情況下，我已經盡我能力做到最好 。」 ︱Carl叔、To Lee遭fans指摘︱ 爆出疑似抄襲一事，不少歌迷、fans指向編曲及監製，稱兩人最大責任，又估計Remy根本不知情。有音樂人接受本報訪問曾稱，做音樂是teamwork，整個團隊包括公司亦有責任。 Remy表示：「我覺得作為一個演出呢首歌、同埋作呢首歌嘅人，冇話邊個責任更加大，因為呢首歌，大家都一齊經歷緊呢件事，大家都創作緊首歌出嚟，就算有責任都好，我都有呢一份責任，我都會願意同佢哋承擔呢一個責任。而我覺得我哋呢個團隊，都係想做好音樂。想表演一個更加好感覺畀大家睇，所以有呢個新version，畀大家睇到我哋嘅決心。」 ︱新轉輯繼續參與創作︱ Remy刻下忙於製作新專輯，他稱續有參與創作部份：「我意識到自己聽音樂唔夠廣闊，之後要聽多啲唔同地方嘅歌，泰國，日本…聽多啲英文歌，多啲學習。」又說：「都唔算第一次寫歌，因之前冇乜自信，所以只同人一齊參與，自己擔正作曲當然有不足，今次希望透過經驗，畀一個更成熟Jeremy畀大家聽。」 至於intense version MV，Remy稱究竟重剪還是重新仍在討論中。「我都知道fans好緊張呢件事，鍾意之前個mv，我喺度多謝咁支持我、愛護嘅fans，幫我講說話。」 ︱姜濤：呢個都有得講？︱ 早前在《早霸王》心理測驗遊戲上，姜濤揀了兔仔，遭Edan取笑「兔仔食番自己啲屎…」姜即自嘲「我都成日整啲屎畀自己食…」隊友大笑。今日姜濤又成「新聞人物」，有報道指他早前到海洋公園活動時，工作人員在旁講解，他說「好想瞓覺」，被網民狂轟欠尊重，上埋C1。 姜說：「本身個陣講緊熊貓好鍾意瞓覺，我哋睇緊時熊貓都瞓緊，見到熊貓瞓覺我都幾想瞓。我以後唔講啦，對唔住，我唔講我眼瞓啦，所以今日都無打喊露。以後我會考慮講相反，『我好精神』！」 另當日活動上，姜與Ian陳卓賢及fans舉牌留影。舉牌是應大會呼籲，「畫面靚啲」，有報道引述網民指，鏡仔搶去熊貓的風頭，姜濤不禁黑人問號︰「呢個都有得講？對唔住囉，我都唔會搶到佢哋鏡，嗰日見到啲人入去淨係影熊貓。好難搶到熊貓鏡喎！」 #娛壹".
Jeremy李駿傑明日現身
《Tie Me Now》下架
音樂串流平台徹底消失 MV冇埋
改推出Intense Version
無解釋刪原裝版原因
作曲人Remy曾澄清：沒有任何抄襲的意圖
#MIRROR 成員Edan呂爵安、姜濤、Jeremy #李駿傑 （Remy）及Anson Lo盧瀚霆明日將現身apm，出席小組團綜《呂濤米Lo Seoul》記者會，亦是Remy新歌《 #TieMeNow 》被指涉抄襲韓國男團 #StrayKids 舊作《Red Lights》後，首次公開露面。
今次是Remy首次作曲，請來逆流阿韜（To Lee）編曲，Carl叔王雙駿監製。歌曲Intro及主歌第一句與《Red Lights》幾乎一樣。事後Remy發聲明，澄清沒有任何抄襲的意圖，並就事件引發爭論、令大家不快表示非常抱歉。
︱巧合重重︱
不少fans以技術文力撐Remy稱兩曲並無相似，或指是Chord Progression相似而造成錯覺...
#音樂 #抄襲 #歌曲
https://www.instagram.com/p/DIwSSTtvgVG/
1,187 likes, 26 comments - as1.entertainment on April 22, 2025: "Jeremy李駿傑明日現身 《Tie Me Now》下架 音樂串流平台徹底消失 MV冇埋 改推出Intense Version 無解釋刪原裝版原因 作曲人Remy曾澄清：沒有任何抄襲的意圖 #MIRROR 成員Edan呂爵安、姜濤、Jeremy #李駿傑 （Remy）及Anson Lo盧瀚霆明日將現身apm，出席小組團綜《呂濤米Lo Seoul》記者會，亦是Remy新歌《 #TieMeNow 》被指涉抄襲韓國男團 #StrayKids 舊作《Red Lights》後，首次公開露面。 今次是Remy首次作曲，請來逆流阿韜（To Lee）編曲，Carl叔王雙駿監製。歌曲Intro及主歌第一句與《Red Lights》幾乎一樣。事後Remy發聲明，澄清沒有任何抄襲的意圖，並就事件引發爭論、令大家不快表示非常抱歉。 ︱巧合重重︱ 不少fans以技術文力撐Remy稱兩曲並無相似，或指是Chord Progression相似而造成錯覺，又指向編曲及監製，認為他們需要負最大責任。從兩曲Intro、Verse比較之下，不少地方相似甚至一樣：樂器大部份一樣，bpm （速度）相近，TimeSignature（拍子記號）一樣（6/8）， Key相同（E Harmonic Minor），MainRiff 同為8th note Staccato，兩曲Riff做法亦非常相似。 Chord Progression部份，《Tie》是| Em | D | C#m7b5 | C B7 |；《Red》則是 | Em | D | C | B7 |；《Tie》多了一個Chord，兩者只有輕微分別。Phrase（樂句）兩首歌重點位均落在第一拍相同位置，同音加上類似唱法，句尾重點位的旋律亦相像。 ︱重新上載Intense版本 MV下架︱ 小組團綜舉行前夕，MIRROR YouTube Channel將《Tie Me Now》MV下架，各大音樂平台亦只有新版本《Tie Me Now》(Intense Version)。 #YouTubeMusic 版本的Intense Version亦沒有開放留言。 新版本編曲徹底改頭換面變成Rock版，人聲一樣。MIRROR社交平台亦post story，提醒大家推出新版，但沒有解釋MV下架原因，以及何以刪除原裝版本，令fans無法欣賞兩種風格。 不少fans讚Intense Version更有力量，形容謂堅忍強韌如偶像本人，用作品向批評是抄歌的人「直線打臉」。Intense Version credit方面，仍保留編曲人阿韜及Carl叔的名字。 ︱作曲人Remy：錄demo係純人聲︱ Remy社交平台仍保留當日出歌的感謝文，謂他錄的demo是純人聲，「我又唔識整音樂底，成件事都係靠feel，係Carl叔要明白我先可以完事。處理編曲嘅時候我又唔識表達，只可以大概講自己feel。」謂非常感謝Carl叔不厭其煩為他修改。另他又感謝編曲人阿韜，「係可以聽到基本上每一段都有唔同嘅編排，辛苦你了。」籲大家可以認真聽編曲，「有好多心機同層次喺入面」。 《Red Lights》曾收在Remy個人playlist，其帖文未有提及聽完《Tie Me Now》Intro後有否覺得「耳熟」。 #娛壹".
Jeremy李駿傑「抄襲」風波
成日話人抄歌
點為之抄？
音樂人分析：點解聽落覺得兩首歌似？
編曲人真係最大責任？
Chord Progression真係關事？
Jeremy #李駿傑（Remy）solo《 #TieMeNow 》，是他本人首次作曲，逆流阿韜（To Lee）編曲，Carl叔王雙駿監製，並請來周耀輝作詞，沒料到事件變成抄襲風波，Intro被質疑與韓國男團 #StrayKids 舊作《Red Lights》非常相似。Remy澄清沒有任何抄襲的意圖，並就事件引發爭論、令大家不快表示非常抱歉。
網上湧現技術文分析，不少人認同兩首歌旋律不相似，Chorus更完全不同；也有人提出是 #編曲 的責任，稱作曲人向編曲人提供references，方便對方了解自己想要的風格；結果製成品部份竟然與references暗合，帖主認為責任應在編曲或監製身上。但問題是，整個過程，難道作曲人兼主唱全不知情？
︱技術分析：點解會覺得似？︱...
#音樂 #抄襲 #歌曲 #分析
https://www.instagram.com/p/DIq43toJK6u/
2,056 likes, 36 comments - as1.entertainment on April 20, 2025: "Jeremy李駿傑「抄襲」風波 成日話人抄歌 點為之抄？ 音樂人分析：點解聽落覺得兩首歌似？ 編曲人真係最大責任？ Chord Progression真係關事？ Jeremy #李駿傑（Remy）solo《 #TieMeNow 》，是他本人首次作曲，逆流阿韜（To Lee）編曲，Carl叔王雙駿監製，並請來周耀輝作詞，沒料到事件變成抄襲風波，Intro被質疑與韓國男團 #StrayKids 舊作《Red Lights》非常相似。Remy澄清沒有任何抄襲的意圖，並就事件引發爭論、令大家不快表示非常抱歉。 網上湧現技術文分析，不少人認同兩首歌旋律不相似，Chorus更完全不同；也有人提出是 #編曲 的責任，稱作曲人向編曲人提供references，方便對方了解自己想要的風格；結果製成品部份竟然與references暗合，帖主認為責任應在編曲或監製身上。但問題是，整個過程，難道作曲人兼主唱全不知情？ ︱技術分析：點解會覺得似？︱ 「抄襲」是非常嚴厲的指控。有資深音樂人接受《娛壹》訪問，分析謂除了Intro及主歌第一句，《Tie Me Now》跟《Red Lights》沒太多相似。而出事的 #Intro ，究竟在哪裡出事？ 音樂人分析，《Tie Me Now》跟《Red Lights》 #bpm （速度）分別為66及64； #TimeSignature（拍子記號）同為 6/8， #Key （調）同是E Harmonic Minor，兩者相差極少。 兩曲 #MainRiff 均用了8th note Staccato。Riff是指一段短小、重複的旋律或和弦進行，兩曲Riff做法相像，予人感覺「驚人地相似」，不過《Tie》的Riff用synth處理，《Red》則用弦樂。 Chord Progression部份，《Tie Me Now》是| Em | D | C#m7b5 | C B7 |；《Red Lights》則是 | Em | D | C | B7 |；《Tie》多了一個Chord（ | C#m7b5 |），兩者有輕微分別。 ︱鼓beat︱ 兩者所用樂器大部份一樣，有 #KickDrum（大鼓）、Snare（小鼓）、Strings（弦樂）及Finger Slap（即撻手指）。鼓beat大致一樣，同樣沒有用Hat（鈸）。《Red Lights》Drum beat多了一下16th Kick Drum。另《Tie》的 #Snare 用了Cross Stick，多了一重敲擊鼓棍的聲音；《Red》Snare則是eDM效果。而兩者也用了Finger Slap，聽感相似。 ︱唱法、重點位、旋律︱ 兩曲首句“Hey”及“Breath” 均在第一拍（beat 1）出現，同屬B note，唱法亦似。音樂人稱：「每一句Phrase（樂句）都有一個重點位，好多時第一拍係個重點位。雖然Jeremy第一句係一個音（Hey），Stray Kids第一句係四個音（I cannot breathe），但重點都係落喺第一拍。喺同樣位置，同樣嘅音，好類似嘅唱法，雖然唔係成句旋律一樣，但都容易引起聯想。」 「長音同句尾多數都係 #重點位 ，容易令人記得。兩首歌第二個Phrase咁啱都係停喺第三個小節（bar），第一二句總長度都係兩個小節。另外，句尾重點位，『張開眼張開渴望』，『望』字 #旋律 嚴格嚟講係『ti la』；《Red Lights》嘅『by my side』，『my side』係『do la』， 亦係另一個聽感上相似嘅位。」 ︱Chord Progression的誤解︱ 不少技術文稱，流行曲Chord Progression（「底」）相似，容易引起抄襲的誤會，又指Chord Progression相似主要因為商業考慮：簡單、搶耳、易記，且選擇有限，難免撞衫。音樂人表示所謂「易記」非常主觀，難作為準則。至於Chord Progression相似是否會令兩首歌聽落相似？不。 他以陳奕迅《 #浮誇 》為例，此曲與《Red Lights》首3個Chord一樣（ | Em | D | C |），「我可以用《Red Lights》個底擺《浮誇》落去，但兩者嘅樂器、 Riff同Groove都好唔同，旋律亦無任何相似。所以類似嘅Chord Progression唔代表兩首歌聽落會覺得相似。」 ︱責任論︱ #作曲人 與 #編曲人 。音樂人稱：「人唱嘅部份（旋律）係作曲人負責，樂器部份就係編曲人負責。作曲並不等如編曲，當然整體都會一環扣一環。大部份作曲人會寫埋Chord Progression。只要啱樂理，Chord係可以隨時變，編曲人同監製亦會因應唔同情況reharmonize。」 來到責任論，「Jeremy同Stray Kids嘅Intro，旋律、編曲音樂底亦有相似部份。出歌係 #teamwork 。如果作曲人寫咗首歌，有第三者要咗，首歌又唔係佢唱，監製同編曲點樣做佢亦冇得參與。最後首歌編曲同另一首一樣，咁就真係完全唔關作曲人事。」 「公司作為music label，出街前咁多同事聽過，A&R（Artist & Repertoire）都有責任，唔通冇人提出有問題？定係提出之後冇人理？」 撰文：tbiytc_tbiytc #娛壹".
Jeremy李駿傑
首次作曲新歌《Tie Me Now》
被指涉抄襲韓團Stray Kids舊作《Red Lights》
Remy開腔： 沒有任何抄襲的意圖
稱對樂迷之間爭論感難過：
造成大家的失望和不快，我很抱歉
#Jeremy #李駿傑 最新solo《Tie Me Now》，是他本人首次作曲，#逆流阿韜（To Lee）編曲，Carl叔 #王雙駿 監製，並請來 #周耀輝 作詞。
Remy稱因為當時未遇上一首完全符合自己心意的Demo，故大膽向經理人花姐提出嘗試自己作曲，直至一日洗澡期間，忽然靈光一閃，下定決心要自己作曲。Remy稱：「NaNa咁啱行到我附近，我就望住，寫出呢首《#TieMeNow》，所以好大程度要歸功於NaNa呢！」
︱作曲編曲互不相涉？︱
《Tie Me Now》上架一日，網上有聲音質疑此曲與韓國男團 #StrayKids 舊作《#RedLights》intro非常相似，又指兩個MV俱以綑綁為主題，隨即...
#音樂 #抄襲 #歌曲
https://www.instagram.com/p/DInn0ftTGJf/
536 likes, 33 comments - as1.entertainment on April 19, 2025: "Jeremy李駿傑 首次作曲新歌《Tie Me Now》 被指涉抄襲韓團Stray Kids舊作《Red Lights》 Remy開腔： 沒有任何抄襲的意圖 稱對樂迷之間爭論感難過： 造成大家的失望和不快，我很抱歉 #Jeremy #李駿傑 最新solo《Tie Me Now》，是他本人首次作曲，#逆流阿韜（To Lee）編曲，Carl叔 #王雙駿 監製，並請來 #周耀輝 作詞。 Remy稱因為當時未遇上一首完全符合自己心意的Demo，故大膽向經理人花姐提出嘗試自己作曲，直至一日洗澡期間，忽然靈光一閃，下定決心要自己作曲。Remy稱：「NaNa咁啱行到我附近，我就望住，寫出呢首《#TieMeNow》，所以好大程度要歸功於NaNa呢！」 ︱作曲編曲互不相涉？︱ 《Tie Me Now》上架一日，網上有聲音質疑此曲與韓國男團 #StrayKids 舊作《#RedLights》intro非常相似，又指兩個MV俱以綑綁為主題，隨即引起激烈討論。 Threads上湧現不少「分析師」分tracks研究，有fans除了verse首兩句旋律與《Red Lights》不同，其他完全不一樣，稱只是Chord Progression相似才令人誤會，續指這種Chord Progression亦屬常見。亦有留言指，作曲與編曲不同，認為編曲更需負責任。 作曲、編曲「分家」理論引起不少反彈，有人分享Remy在JOOX的playlist，其中一首正是Stray Kids 《Red Lights》，質疑Remy在聽到《Tie Me Now》intro和verse部份時，沒可能不會覺得耳熟。 亦有留言指出，作曲、編曲與監製需互相配合，「你用Happy Birthday個旋律嚟配《Red Lights》個編曲係唔會似，但你用佢呢首做就會似，因為well-planned 地抄。」 ︱Jeremy：我沒有任何抄襲的意圖︱ Remy今午則在社交平台發文，表示：「《Tie Me Now》是我首次創作的快歌，看到了網上指我的歌曲與其他歌曲存在相似，樂迷之間亦因我而緊張和爭論，我看到時很難過。」 「這次的作品令大家引起疑惑和爭拗。這些都絕對不是我想看到的，而我亦沒有任何抄襲的意圖，造成大家的失望和不快，我很抱歉。」澄清並無抄襲。 #娛壹".
Dahliuhhx
娛壹