Dantza garaikideko DNA programa Lesakara eta Berara ailegatuko da aurten

Kultura Zuzendaritza Nagusiak – Príncipe de Viana Erakundeak DNA Nafarroako Dantza Garaikidearen 2026. edizioa aurkeztu zuen asteartean Atarrabian. Baluarte Fundazioarekin lankidetzan garatutako programa da, sorkuntza artistikoa sustatzea eta dantza garaikidea Nafarroako publikoari hurbiltzea helburu duena. Apirilaren 10etik maiatzaren 10era, Nafarroako Antzoki Sareko hamasei oholtzara ailegatuko dira iazko erresidentzia artistikoetan landutako obrak.

Ekain pailazoaren ikuskizun berria ikusgai izanen dute apirilaren 1ean Lesakako Irain eskolan - Bortziriak - 2026-04-01 - Erran.eus

Asteazkenean 11:30ean hasita ‘Arlote bat hautsak harrotzen’ emanaldia eskainiko du Ekain pailazoak Arlote bat hautsak harrotzen ikuskizun berria aurkeztuko du apirilaren 1ean, asteazkenean 11:30ean Lesakako Irain herri eskola publikoko gimnasioan. Irain Eskolak antolatu du emanaldia, Lesakako Udalaren laguntzarekin.

Led Silhouetten "Ultimatum" ikuskizunaren estreinaldia izanen da apirilaren 12an Lesakan - Bortziriak - Erran.eus

Lesakan, ERNATU Udaberriko Dantza Zikloaren baitan, Led Silhouetten “Ultimatum” ikuskizuna izanen da, apirilaren 12an, Harriondoa Kultur Etxean.Sarrerak dagoeneko eskura daitezke udalaren webgunean.Bertakoa da Led Silouette...Martxel Rodrigez eta Jon Lopezen gidaritzapean.Martxelekin mintzatu gara.

BG 0 - Hernani 2

Beti Gazteko beteranoek garaipena lortu dute Lesakan Real Sociedad taldekoen kontra

Ikusmina piztu zuen larunbat goizean Lesakako Mastegi futbol zelaian jokatutako Beti Gazte eta Donostiako Real Sociedad taldeetako beteranoen arteko partida jokatutako futbol partidak. Bai Beti Gazten, baita Errealean ere, garai bateko jokalari historikoak berriz ere jokoan ikusteko aukera izan zen eta azkenean, lesakarrak 2-1 nagusitu ziren, Pablo Tabernak eta Igor Gurrutxagak egindako golei esker. Errealeko gola Bittor Alkizak egin zuen, penaltiz.

Domiko-Erreka makroproiektu eolikoaren kontra Bianditzera martxa egin dute - Bortziriak - Erran.eus

Lesakatik eta Oiartzunetik abiatuta, bi herrien muga egiten duen mendian bat egin zuten Domiko-Erreka proiekturik ez! goiburupean, Bianditzera mendi martxa egin zuten larunbatean Lesakatik eta Oiartzundik abiatuta, Endara Bizirik eta Bianditz-Domiko bizirik! Taldeek deituta. Oiartzungo eta Lesakako plazan egin zuten hitzordua larunbat goiz euritsuan, kotxeak betetzeko. Gero, oinez abiatu ziren oiartzuarrak Aritxulegiko tuneletik eta lesakarrak Agiñatik. Handik, bakoitzak bere bidea eginez, Bianditzen elkartu ziren, makroproiektu eolikoaren kontrako aldarrikapena eginez.

Baztango BKT nagusitu zaio Errekari Elizondoko eskubaloi derbi jendetsuan - Mendialdea - Erran.eus

Futbol talde nagusientzako asteburu kaxkarra izan da, garaipenik gabekoa eta bakar-bakarrik Doneztebek, Gure Txokoak eta erregionaleko Baztanek berdindu egin dute Martxoko azken asteburua mardula izan da eskualdeko kirol taldeentzat, Aste Santuko atsedenaldiaren aitzinetik. Eskubaloian, derbi jendetsua jokatu dute Baztango BKTko eta Errekako emakumeek Elizondon, eta etxekoak nagusitu dira. Hiru partidaren faltan, lau onenen artean dauden bi taldeak gaur gaurkoz, bigarren doneztebarrak eta laugarren baztandarrak. Errekako gizonezkoek ere, lehen postua eta lauko finala Donezteben jokatuko dela segurtatua izan arren, garaipena lortu zuten. Futbolean, asteburu kaxkarra izan da talde nagusientzako, garaipenik gabekoa. Baztanek, Beti Gaztek eta Aurrerak galdu egin dute eta Doneztebek, Gure Txokoak eta erregionaleko Baztanek berdindu. Errugbian kanpoan jokatu eta irabazi egin dute Sarako Izarrak eta BRT Menditarrak taldeek.

Bortzirietako aniztasun eguna ospatuko dute Lesakan maiatzaren 31n

Bortzirietako Hizkuntza eta Kultura Aniztasun Taldeak, bere azkeneko bileran, martxoaren 21eko Arrazakeria Ezabatzeko Nazioarteko Egunaren harira adierazpena egitea erabaki du. Horrez gain, maiatzaren 31n Lesakan eginen den aniztasun jardunaldiaren ospakizuna iragarri du. Hartara, taldetik Bortzirietako herritarrak zein eragileak gonbidatu nahi dituzte aniztasun taldean eta antolatuko diren ekitaldietan parte hartzera.

Lesakako turismo bulegoa eta Burdinaren Museoa irekiko dituzte Aste Santuan

Aste Santu honetan, apirilaren 2tik 10era arte irekiko dituzte Lesakako turismo bulegoa eta komentuan berean dagoen Burdinaren Museoa. Apirilaren 2an eta 3an, ortzegunean eta ortziralean, eta apirilaren 6an, astelehenean, goizez eta arratsaldez zabalik izanen da, 10:00etatik 14:00etara eta 16:00etatik 17:30era. Apirilaren 4an, 5ean eta 10ean (larunbata, igandea eta ondoko ortziralea) goizez bakarrik irekik ditu ateaa, 10:00etatik 14:00etara) eta apirilaren 7tik 9ra, pazko asteko asteartetik ortzegunera, 10:00etatik 15:00etara.

Suhar Koruak emanaldia eskainiko du igandean Lesakan - Bortziriak - 2026-03-29 - Erran.eus

Suhar Koruak emanaldia eskainiko du martxoaren 29an, igandean 19:00etan, Lesakako Harriondoa kultur etxean. Emanaldirako sarrerak 15 eurotan salgai daude Lesakako Udalaren webgunean.