Bost lankidetza egitasmoen aurkezpena egingo dute asteazkenean

Pleno aretoan egingo da. Udalak laguntzen ditu eta Kolonbia, Venezuela, Argentina eta Mauritanian garatzen dira egitasmoak.  

Unax Uralde hernaniarra, Go!azen telesailean

Antzerkian debuta egin ondoren, 2026rako 'Aitatxo' antzezlanarekin Euskal Herri osoan barrena ibiliko da.  

115 lagun inguru, Iturmendiko kobazuloko bisitan

Urteroko legez, ate irekien jardunaldia antolatu zuen Felix Ugarte elkarteak, pasa den igandean, Antziola inguruan dagoen Iturmendiko kobazuloa bertatik bertara ezagutzeko. Jakinmin haundia piztu zuen bisitak hernaniarren artean, eta itzela izan zen erantzuna: 115 lagunetik gora elkartu ziren bisita gidatuan, hiru taldetan banatuta. Azalpenak jaso zituzten kobazuloaren kanpoaldean, eta zehatzago ezagutu zuten barnean.

'Super Elfkinak' eta 'Los tigres' gaur, Biterin

Asteburu honetan haurrentzako Super Elfkinak eta helduentzako Los tigres pelikula ari dira eskaintzen Biterin. Gaur 16:45etan proiektatuko da Super Elfkinak eta ondoren, 19:15etan izango da Los tigres pelikularen txanda. Bihar 16:30etan eta 19:15etan Los tigres eskainiko da ikuslearen egunean.

Gaur erabakiko dira xake torneoko finalerdiak

Gaur Kixkalen Hernaniko Xake Txapelketaren barruan ligaxkako azken jardunaldia jokatuko da. Hamar partida daude iragarrita 16:30etatik aurrera eta bertan datorren azaroaren 30ean hasiko diren finalerdi eta finalak osatuko dira. Oraingoz Oxan da lider 4 punturekin eta  Berrotaran bigarren sailkatuak 3,5 puntu ditu. Ondoren datoz, hiru punturekin, Magi, Xerpa eta JR Altunak osatzen duten hirukotea.

Etzi Plenoak, Astigarragan eta Hernanin

Azaroko Plenoak Astigarragan eta Hernanin etzi asteartean izango dira. Astigarragakoa 17:30etan hasiko da, ohikoa izaten dena baino ordu t'erdi aurretik. 12 puntu daude gaien zerrendan. Hernanin ohiko orduan, 18:00etan hasiko da eta hamar puntu landuko dira.

Amiantodun hondakinak Garberara, hileko lehenengo astelehenetan

Hernaniko bizilagunek, hondakinak dituzten amiantoak Garberako garbigunera (Donostiara) eraman ditzakete, doan, hitzarmen bati esker. Hondakin berezi hauek tratamendu berezia behar dute, eta Hernanin bertan ez dago horretarako baliabiderik. Hilean behin jasotzen dituzte hondakin berezi hauek: lehenengo astelehenetan.

Hernanikomik azoka

Santa Zezilia-Goiz Eguzki Abesbatza

Santa Zezilia-Musika Banda