Eg er styggeleg heldig og har tilgang på to gode hardingfeler. Til venstre ei Kristian Undlien-fele frå 1971. Undlien var felemakar frå Etnedal, eg veit ikkje meir om han. Fela læt stort og fyldig, eit flott instrument. Til høgre ei fele som oldefar min, Søren Ødegård, bygde i 1925. Oldefar bygde mange feler, og celloar! Ho læt litt spinklare, men klårt og reint. Dei er gode på kvar sitt vis. #hardingfele #fele #folkemusikk

Eg er inne i ein god stim når det gjeld å spela #fele og #fiolin om dagen, men eg er veldig glad for at ingen (oftast) høyrer meg, for herremin kor mykje dårleg eg spelar. Fele er eit instrument som læt fælt lenge.

Godt år og fred til alle på #allheimen! Eg har ingen nyttårsforsett, men byrja i alle fall året mellom anna med å spela #trommer. Denne gongen prøvde eg meg på eit par av Steve Gadd sine ypperlege rytmar, både Late in the evening og 50 ways to leave your lover. God øving på koordinasjon, stikkehalding (fyrstnemnde krev fire trommestikker) og uavhengig venstre/høgrehand. Heilt sikkert sunt for hovudet.
Eg vonar å spela meir av andre #instrument i 2026 òg, både #fele, #fløyte og #gitar. #musikk