[BIDEOA] Baztango bazterrak eta kaxkoak bisitatu dituzte Arkupeak elkarteko mendizaleek
Hilabeteroko martxarekin segituz, martxoko hirugarren asteartean ere mendira atera dira Arkupeak elkarteko mendizaleak. Baztango mendietan ibili zire…
https://erran.eus/baztan/1773830296013-bideoa-baztango-bazterrak-eta-kaxkoak-bisitatu-dituzte-arkupeak-elkarteko-mendizaleek?utm_source=Mastodon&utm_medium=Sare_sozialak
#baztan #arraioz #gartzain #lekaroz #ziga #gizartea
[BIDEOA] Baztango bazterrak eta kaxkoak bisitatu dituzte Arkupeak elkarteko mendizaleek
Hilabeteroko martxarekin segituz, martxoko hirugarren asteartean ere mendira atera dira Arkupeak elkarteko mendizaleak. Baztango mendietan ibili ziren ehun bat lagun. Lekaroz eta Arraioz barna bide berdea erabiliz hasi ziren lainopean, baina eguna argitu eta altuera hartzen zuten neurrian, eguzki ederra lagun izan zuten ibilbidean. Ziga aldera jo zuten, Egozkueko jauregitik barna. Zigako eliza dotorearen atarian argazkia atera eta goitik beheiti abiatu ziren berriz ere, Zigaurren barna, ibilbidea Gartzainen burutzeko. Baztan hotelean jatetxean ederki bazkaldu zuten. Apirileko irteera Etxalarren eginen dute Irudiak: Joxe Zubieta
[ARGAZKIAK] Umore ederra Arraiozko inauteetan
Otsailaren 6an eta 7an izan zituzten inauteak Arraiozen. Ortziralean baserrietan ibili ziren gazteak eta herriko haurrek inaute eguna ospatu zuten es…
https://erran.eus/baztan/1770633495965-argazkiak-umore-ederra-arraiozko-inauteetan?utm_source=Mastodon&utm_medium=Sare_sozialak
#baztan #arraioz #gizartea
[ARGAZKIAK] Umore ederra Arraiozko inauteetan
Otsailaren 6an eta 7an izan zituzten inauteak Arraiozen. Ortziralean baserrietan ibili ziren gazteak eta herriko haurrek inaute eguna ospatu zuten eskolan. Larunbatean, aldiz, etxez etxeko itzulia herritik barna izan zen, eta eguna akitzeko afaria egin genuen herriko batzartegian!
Argazkiak eta testua: Nerea Mortalena
Garikoitz Goikoetxeak 'Esnatu ala hil' liburua aurkeztuko du otsailaren 3an Arraiozen
Arraiozko Arizti elkarteak Esnatu ala hil liburuaren aurkezpena antolatu du otsailaren 3an 18:30ean. Bertan izanen da Garikoitz Goikoetxea idazlea, e…
https://erran.eus/baztan/1769604658727-garikoitz-goikoetxeak-esnatu-ala-hil-liburua-aurkeztuko-du-otsailaren-3an-arraiozen?utm_source=Mastodon&utm_medium=Sare_sozialak
#baztan #arraioz #kultura
Garikoitz Goikoetxeak 'Esnatu ala hil' liburua aurkeztuko du otsailaren 3an Arraiozen
Arraiozko Arizti elkarteak Esnatu ala hil liburuaren aurkezpena antolatu du otsailaren 3an 18:30ean. Bertan izanen da Garikoitz Goikoetxea idazlea, eta euskararen orainaren eta geroaren diagnostikoa egiten du egileak liburuan.
Euskal Ligako lehen mailan BRT Menditarrak errugbi taldea lehiakor
BRT Menditarrak errugbi taldearen aurtengo denboraldia hasita dago dagoenekoz. Euskal Herriko Rugby Ligako lehen mailan urte honetan hamar talde ari dira lehian. Joan den urtean kategorian ziren Elorrio, Bilbo, Getxo, Gipuzkoa Sortzen, Arrasate, BRT menditarrak, Atletico San Sebastian eta Durango. Zortzi talde hauekin batera Ohorezko B Mailatik jautsitako Uribealdea eta Euskal Ligako bigarren mailatik igotako Rioja ari dira. Aurtengo aldaketa hauek ligako maila igotzeak ekarri du, ondorioz, inoiz baino liga berdintsuagoa izaten ari da.
Baztan Futbol taldea berritua eta gaztetua
Emozioz betetako urte berezia izan zen azkenekoa Baztan Futbol Taldearendako: ekainean hirugarren mailara igateko promozioa galdu, abuztuan Superkopako titulua, kopa jokatzeko eskubidea emanen liokeen partida Giltxaurdin, mendeurrena… «Jokalariek atseden hartzeko denborarik ez zuten izan –dio Josema Osacar entrenatzaileak– eta hori nabaritu genuen liga bukaeran, luze egin zitzaigun, neke fisikoa eta mentala… Behin maila mantenduko genuela eta goitiko postuetarako aukerarik ez genuela ikusi genuenean, lasaiago hartu eta jokalari gazteagoei minutu gehiago ematen hasi ginen».
Baztango Kirol Taldeak jokatzen gozatu nahi du
Zazpi taldetan banatutako ehun bat jokalari ditu aurten Baztango BKT eskubaloi taldeak. Talde nagusia gidatzen, berriz, lau laguneko lantaldea hasi da. Totu Iturzaeta jokalari ohia da horietako bat. «Zuzendaritza batzordetik deitu ziguten aipatuz talde seniorrak aldaketa bat behar zuela, entrenatzailea aldatuko zutela eta ez zutela entrenatzaile berririk eta ea bizpahiruren artean taldea hartzera animatuko ote ginen. Bata bertzearen arrimuan, azkenean, Joxe [Iturzaeta], Itsaso [Salaburu] eta hiruak animatu ginen eta lehenagotik neskekin zegoen Guru [Gurutze Aizpuru] ere gurekin gelditu zen».
Hasier Larretxearen 'Guztia urruntzea da' poemarioaren irakurketa eginen dute bihar Arraiozen
'Guztia urruntzea da' poesia liburuxkaren bueltako solasaldia zein irakurketa eginen du Hasier Larretxea idazleak Ines Castiellaren Nafar Ateneoko Jo…
https://erran.eus/baztan/1765535622519-hasier-larretxearen-guztia-urruntzea-da-poemarioaren-irakurketa-eginen-dute-bihar-arraiozen?utm_source=Mastodon&utm_medium=Sare_sozialak
#baztan #arraioz #gizartea
Hasier Larretxearen 'Guztia urruntzea da' poemarioaren irakurketa eginen dute bihar Arraiozen
'Guztia urruntzea da' poesia liburuxkaren bueltako solasaldia zein irakurketa eginen du Hasier Larretxea idazleak Ines Castiellaren Nafar Ateneoko Joxemiel Bidador poesia taldeko koordinatzailearen laguntzaz. Ekitaldia bihar izanen da, 18:00etan, Arraiozko elkartean.
Guztia urruntzea da
Aipatzen ari garen bezala, bihartik astelehenera kulturaren gune izanen da Durangoko azoka. Tartean eskualdeko sortzaileen hainbat lan berri izan…
https://erran.eus/baztan/1764853033386-guztia-urruntzea-da?utm_source=Mastodon&utm_medium=Sare_sozialak
#baztan #arraioz #kultura #xorroxin #irratia
Guztia urruntzea da
Aipatzen ari garen bezala, bihartik astelehenera kulturaren gune izanen da Durangoko azoka. Tartean eskualdeko sortzaileen hainbat lan berri izanen dira eskuragai.Hasier Larretxea Gortari arraioztarrak “Guztia urruntzea da” liburua karrikaratu berri du Susa argitaletxearekin, bere euskarazko poemen 7. lana. Joan den astean Donostian aurkeztu zuen eta abenduaren 13an herrian bertan aurkezteko du liburua.Opari ederra da liburu, disko, argitalpen bat ondokoari edo norbere bururari egitea. Durangoko Azokan aukera izanen da.
Ez dago sorterrian, aspaldixko Madrilen bizi da bino azken urtean erraten al dugu gehiagotan etortzen dela etxera... hainbat proiektu tarteko.
[ARGAZKIAK]Lehenengo Baztandarren Biltzarra ospatu dute Bakersfielden
Azaroaren 1ean berrehun lagun baino gehiago bildu ziren AEBko Kaliforniako hirian, giro ederrean
Baztandarren Biltzarra Bakersfielderaino (Kalifornia) iritsi da aurten. Bailarako seme-alaba aunitz joan ziren lur haietara lanera, eta aurten erabaki dute baztandarrak lehenengo aldiz elkartzea. Azaroaren 1ean zuten hitzordua eta. Bertaratutakoek, denbora luzez elkar ikusi gabe egon ondotik, aukera ederra izan zuten elkarren berri hartzeko, mintzatzeko eta egun eder bat pasatzeko. Argazkiak: San Francisco Basque Cultural Center
Bi emakume ospitaleratu dituzte gaur goizean bi autoren artean Arraiozen gertatu den istripuaren ondorioz
112 Larrialdi Zerbitzuak jakitera eman duenez, istripua gaur 07:20 aldera gertatu da Arraiozen, Askapeko harrobitik hurbil, 44. kilometroaren ingurua…
https://erran.eus/baztan/1763976689637-bi-emakume-ospitaleratu-dituzte-gaur-goizean-arraiozen-bi-autoren-arteko-istripuaren-ondorioz?utm_source=Mastodon&utm_medium=Sare_sozialak
#baztan #arraioz #gertaerak
Bi emakume ospitaleratu dituzte gaur goizean bi autoren artean Arraiozen gertatu den istripuaren ondorioz
112 Larrialdi Zerbitzuak jakitera eman duenez, istripua gaur 07:20 aldera gertatu da Arraiozen, Askapeko harrobitik hurbil, 44. kilometroaren inguruan. Bi zaurituak Nafarroako Unibertsitate Ospitalera eramen dituzte, Iruñera.
TTIPI-TTAPA / ERRAN
Xorroxin Irratia