✅ feito 

unhas consideracións:

• Secure Folder (e secure) vai como Cartafol Protexido. Seguro seguro non hai nada, e isto refírese simplemente a cifrar cun contrasinal. Noutra parte incluso lle chama Locked Folder.
• Highlighter vai como Rotulador, porque é a etiqueta no editor e rotulador fosforito non cabía 😝 (mirei e «rotulador fluorescente» é unha expresión que engadiu a RAG no 2025). Da igual, ben se entende.
• Snackbar é o nome propio dun compoñente de Android, non o cambiei. Son unha especie de ventás emerxentes que se abren con información breve sobre o fallo que aconteceu. O mesmo para compose. E «spawn» púxeno como «dar acceso», ou «acceder», porque refírese a poder ver esa información. Caralladas inútiles que as usuarias non van usar.
• Fun liberal ao traducir a breve descrición dos Filtros, porque tamén o é o orixinal en inglés. De todos xeitos tes unha imaxe de vista previa para intuír o efecto final.
• mediavai como «multimedia», que queda un pouco longo, pero é o que normalmente se usa, non temos aquí  , por agora, esta abreviatura. O media?
• probablemente, unha vez vexa como queda no dispositivo, hei reducir o tamaño dalgunha expresión (acurtala) se non se ve completa ou estraga a interface
• o rexistro cos cambios (changelog) non se traduce, polo menos polo de agora está bloqueado

O caso é que xa está. A aplicación está ben, simple e funcional. A min deume un pouco que facer para entender como «seleccionar» álbums para que aparezan ou non na pantalla inicial (pestana) Fotos. Está en Axustes > Xeral e premendo na icona ou etiqueta da opción «Mostrar todo en Fotos», non no selector da dereita.

A aplicación craxa 🤪 cando intentei aplicar algún filtro concreto sobre algunha foto concreta (sic). Pareceume un fallo un pouco ao chou, que non sei se é puntual ou dese filtro concreto. Polo de máis todo correcto.

📷📹 #Android #Gallery  #galego #galería #aplicación #foss