Show threadTurfalko 1d ago

Mi tagmanĝis ovaĵojn kun pano, olivoleo kaj kumino, kaj trinkis jasmenan teon.
Je la fino de la tago, ni spektis la serion MacGyver! Mi tre ĝuis tiun serion, kiam mi estis infano. 2/2

#taglibro #esperanto #lang_eo #Kazablanko #Maroko

Turfalko May 23
Hieraŭ, dum mia trejnado, mi glitis kaj falis sur la kahela grundo. Mi havas du hematomojn sur la kokso kaj la ŝultro, kiuj doloras. Mi estas nun en la parko kaj ripozas. La vetero estas varma, sed agrabla ĉe la sunsubiro.
#taglibro #Kazablanko #lang_eo
Turfalko May 2
Hieraŭ pro la feria tago, ni promenis finposttagmeze kun mia frato apud la Granda Moskeo de Kazablanko. Poste mia edzino kaj mi trejnis per filipinaj bastonoj. Mi tre ĝuas tiun batalsporton.
#taglibro #Kazablanko #Maroko #lang_eo #batalsporto
Turfalko Nov 6, 2025

Hodiaŭ estis feria tago en Maroko pro la historia evento nomata la Verda Marŝo. Dum tiu evento en 1975, ĉirkaŭ 350 000 homoj marŝis el Maroko al la Hispana Saharo.

Ĉi-matene mi kuris en la parko de la biciklokurejo kaj trejnis per la eksteraj sportiloj.

Ĉi-vespere mi veturis per senelektra skutilo al la esplanado inter la Moskeo Hasano la Dua kaj la Lumturo. La lumo estis tre bela, kaj multaj homoj promenis laŭ la esplanado.

#taglibro #kazablanko #Maroko #esperanto #lang_eo

TurfalkoHakistoAug 11, 2025
Mi vojaĝis per la rapida trajno, nomata Al Borak, el Kazablanko al Tanĝero. Poste, ni veturis el Tanĝero al la urbo Ŝefŝaŭen, ĉe la okcidenta rando de la montaro Rif. En la trajno mi legis la romanon de Ursula K. Le Guin La Senposeduloj kaj aŭskultis la albumon de Steve Roach Into the Majestic. En la aŭto la ŝoforo aŭskultis ĵazon. Ni trapasis belajn pejzaĝojn, sed okazis kelkaj trafikŝtopiĝoj sur la nacia vojo N2.
#lang_eo #Esperanto #taglibro #vojaĝo #Maroko #Kazablanko #Tanĝero
Turfalko Jul 25, 2025
Hieraŭ, ni aĉetis florojn por mia bofamilio, en la flora bazaro de mia kvartalo. Ni estis invititaj por la vespermanĝo. Mia bopatrino preparis manĝon, nomatan en la maroka araba "Seffa". Tio estas dolĉa kuskuso kun vermiceloj, cinamo, migdaloj, vinberoj, kokaĵo kaj daktiloj farĉitaj per reĝaj juglandoj.
#taglibro #Maroko #kazablanko #floroj #manĝo #seffar #lang_eo #esperanto
Turfalko Jul 20, 2025
Por fari batalsportajn filmetojn por Ismael, mi trejnis en kelkaj parkoj de Kazablanko. Mi vizitis la Parkon de la Araba Ligo kaj la parkon apud la lumturo El Hank. Jen kelkaj fotoj de la parkoj kaj el miaj trejnadoj.
#kazablanko #Maroko #Parko #Batalsporto #lang_eo #esperanto
Turfalko Jul 19, 2025
Hieraŭ posttagmeze ni promenis apud la lumturo El Hank. Ni ĝuis la vidon al la longa marbordo de Kazablanko kaj al la granda islama preĝejo Hasano la Dua. Mi iomete trejnis per la eksteraj sportiloj, kiuj troviĝas laŭ la promenado.
#kazablanko #Maroko #taglibro #esperanto #lang_eo
Turfalko Jun 8, 2025
Mia unua provo pri filmeto en Esperanto.
Mi devis skribi mian tekston antaŭe, ĉar mi ankoraŭ ne povas paroli flue.
La subtekstoj ne estas bonaj. Mi devos reskribi ilin, sed mi ne havis tempon hodiaŭ.
Tamen, mi esperas, ke vi ĝuos tiun promenadon kaj rakonton.
Mi uzis PeerTube-servilon, esperante ke ĝi estas alirebla en viaj respektivaj landoj.
https://peertube.wtf/w/sfzYMQJFaHDfFitZY5JGPZ
#filmeto #Esperanto #Kazablanko #Arenoj #parko #historio #promenado
La parko Arenoj de Kazablanko

PeerTube
TurfalkoHakistoJan 11, 2025
Jen kelkaj bildoj de mia kvartalo #Maarif en #Kazablanko, kiujn mi fotis hodiaŭ kaj dum la lastaj tagoj. Hodiaŭ estis feria tago, do mia edzino kaj mi butikumis por aĉeti manĝaĵojn. Ni tre ĝuas fari tion kune kaj tre ŝatas la multajn etajn butikojn en nia kvartalo.
#taglibro #Maroko #Esperanto