娛壹有片︱
《無用的謊言》拉隊睇大結局
姜濤下決心摵甩「姜濤」形象演戲
YoYo、Alice與Ashley組食白果聯盟
Stanley邱士縉輕微劇透：
《IT狗2》Marcus與Pay Pay Duck多對手戲
爆凌文龍劇中「真係太搞笑」
自度BL情節：幫姜濤刷背
▶️影片link放留言
劇集《 #無用的謊言 》昨晚（17日）大結局，假座金鐘萬豪酒店一齊睇大結局，入場門票索價不菲。眾主角包括 #姜濤 、 #葛綽瑤 （YoYo）、Stanley #邱士縉（大表哥）、 #鍾卓穎 、 #許寶恆 、 #陳俞希 、 #邱頌偉 、 #黃奕晨 等出席。眾人先上台chit chat，姜濤還獻唱劇集主題曲《I Need You In My Li(f)e》。
司儀Sarika（ #蔡宛珊 ）邀眾演員分享最無用的謊言，姜濤重提「五分鐘事件」，事緣他以往每次延誤，總說五分鐘：「但過咗七八分鐘之後，『一分鐘！畀多一分鐘！』但而家話五分鐘就真係五分鐘。...
#娛樂 #影視 #音樂 #粉絲 #金鐘 #澳門 #海港城
https://www.instagram.com/p/DE8yOhvS59G/
娛壹 as1.entertainment on Instagram: "有片︱ 《無用的謊言》拉隊睇大結局 姜濤下決心摵甩「姜濤」形象演戲 YoYo、Alice與Ashley組食白果聯盟 Stanley邱士縉輕微劇透： 《IT狗2》Marcus與Pay Pay Duck多對手戲 爆凌文龍劇中「真係太搞笑」 自度BL情節：幫姜濤刷背 ▶️影片link放留言 劇集《 #無用的謊言 》昨晚（17日）大結局，假座金鐘萬豪酒店一齊睇大結局，入場門票索價不菲。眾主角包括 #姜濤 、 #葛綽瑤 （YoYo）、Stanley #邱士縉（大表哥）、 #鍾卓穎 、 #許寶恆 、 #陳俞希 、 #邱頌偉 、 #黃奕晨 等出席。眾人先上台chit chat，姜濤還獻唱劇集主題曲《I Need You In My Li(f)e》。 司儀Sarika（ #蔡宛珊 ）邀眾演員分享最無用的謊言，姜濤重提「五分鐘事件」，事緣他以往每次延誤，總說五分鐘：「但過咗七八分鐘之後，『一分鐘！畀多一分鐘！』但而家話五分鐘就真係五分鐘。」 大表則爆姜濤另一秘密，他說：「姜濤出道到而家不停咁話要去廁所，長期都係，間唔時三個字（15分鐘）就話要去廁所。我唔知佢係咪謊言，可能佢入去自己喘息下咁樣。」Sarika問：「係咪真係去廁所？」姜稱是，Sarika就謂：「所以係每三個字去一去廁所！」姜反擊無從，大表嘆氣：「而家啲後生真係…」 ︱黃奕晨無用的謊言 同阿媽講夠錢使︱ 邱頌偉的分享亦跟姜濤有關，有次排戲，他用力壓下姜濤的頭，「一躓落去，有人同我講：『佢個頭你唔好整亂呀，整亂又要set十分鐘喇！』」他一臉為難謂：「佢（姜）同我講冇所謂喎，咁點呀？」大表解圍道：「佢係冇所謂，導演有所謂。」 黃奕晨憶述謂，有次母親問他錢夠用嗎，當時他答道：「Ok啦冇問題！夠，夠！」黃奕晨苦笑：「幾心酸，所以，搵多啲我做嘢！多謝多謝！」姜濤也分享一個「說謊的教訓」，「中學鍾意一個女仔，阿媽feel到，有日約我喺學校附近行下，問我係咪有鍾意嘅人，我話冇呀。咁啱隔籬有個同學：『姜濤，阿邊個邊個（姜暗戀的同學）喺嗰邊喎！』篤爆咗我，結果阿媽每日都問，好想搵嗰個女仔係邊個。」 ︱大表自言劇中表現差：基本功都做得唔好︱ 受訪期間，大表自言劇中表現欠佳，念對白節奏、表達方式等基本功都做得不好，100分滿分只給自己60分。「我覺得好差，我講真，好多地方做得好差，每次睇番都覺得自己可以做好啲。」表明沒有藉口：「總之出到嚟，自己做得唔好就係做得唔好。」姜自評59分，他說：「我就係再基本啲嘅嘢，要摵甩『姜濤』呢件事先，好多角色都係我自己影子比較多。身為演員，一定要摵咗自己所有嘢先。」 談到有些場口儼如姜濤「本色演出」，如扮大雄哥、在市集叫賣兩場。姜承認脫離角色，他說：「嗰下純粹想冇咁尷尬，同埋唔係好知道文祖和（角色名）應該點樣叫賣，而家睇番就知唔應該咁樣做，真係唔好咁開心，因為佢（文）冇可能咁快接觸到咁多人就咁開心。」 ︱大表度BL情節：幫姜濤刷背︱ 大表姜何時再合作拍劇，大表稱沒所謂，「 #有嘢做我就好感恩 。」姜補充：「同Stanley做嘢我好感恩。每次同佢一齊都學到好多嘢。」大表笑：「繼續『做』我啦！今日肉隨砧板上。」會否考慮BL劇？姜搶著說對方不會介意，大表搖頭苦笑：「好開心，諗起都興奮。」 問及可接受的BL場口，大表呈放棄狀態謂：「你哋諗到咩場口咪咩場口囉（笑），幫佢刷下背脊咁囉。」姜即說：「都係做番我哋平時做嘅嘢啫！」眾人嘩然，大表解釋：「可能劇情講佢整親隻手，搲唔到背脊，所以幫佢刷背。」姜再說：「仲有好多嘢做唔到…」大表眼神充滿疑問，姜即縮：「冇嘢呀！食飯！」 大表謂《 #IT狗2 》戲份前晚煞青，續集Marcus跟Pay Pay Duck團員「gwaang」多點：「今次同小龍（ #凌文龍 ）佢哋一齊，同小龍同場都好多，佢喺劇入面真係太搞笑。」姜濤則表示今年重心放在音樂方面，拍劇方面則不論主角與否亦願一試。 ︱Fans爭執事件 姜濤無奈： 我哋真係冇辦法做啲乜嘢︱ 日前姜濤、AnsonLo 盧瀚霆（阿撈）及Edan呂爵安在海港城出席品牌活動，場地為三家fans劃分專屬區域﹐惟多名「疑似」神徒（撈fans）走入姜糖區域前排；即使姜糖及保安多番要求離開亦充耳不聞。其間雙方發生口角，有人聲稱有肢體碰撞，最後報警求助。警方要求涉事者出示身份證﹐有人拒絕合作，遭帶署調查﹐警員又要求非姜糖的fans「自動自覺」離開姜糖區域。 事後撈在IG Story表示，對於fans全力應援感到很窩心，「同時真的不希望大家會因為我的存在而吵架、不開心自己有做得不好。」續謂一直希望分享正能量和快樂，「而我知道屬於我的都是乖巧的」。他稱能做到的就是繼續做好自己的工作，做個好榜樣，「哪怕只是一丁點的進步。今天辛苦你們每一位。」 姜濤昨晚被問此事，沉吟道：「老實講，呢啲嘢我哋真係冇辦法做啲乜嘢。唯一可以講嘅係，希望大家開開心心嚟支持我哋就好。大家都係想開心。」今晚他將與撈現身澳門同台表演，席上還有多位韓星，包括TVXQ!、BTOB、RAIN等等。姜說：「如果個表演做得唔好就真係會影響心情。」另姜在TG group請 #私追 不要來看他比賽，他解釋：「純粹我覺得自己打得唔好好樣衰，希望大家唔好嚟睇。」 #娛壹"
917 likes, 12 comments - as1.entertainment on January 17, 2025: "有片︱ 《無用的謊言》拉隊睇大結局 姜濤下決心摵甩「姜濤」形象演戲 YoYo、Alice與Ashley組食白果聯盟 Stanley邱士縉輕微劇透： 《IT狗2》Marcus與Pay Pay Duck多對手戲 爆凌文龍劇中「真係太搞笑」 自度BL情節：幫姜濤刷背 ▶️影片link放留言 劇集《 #無用的謊言 》昨晚（17日）大結局，假座金鐘萬豪酒店一齊睇大結局，入場門票索價不菲。眾主角包括 #姜濤 、 #葛綽瑤 （YoYo）、Stanley #邱士縉（大表哥）、 #鍾卓穎 、 #許寶恆 、 #陳俞希 、 #邱頌偉 、 #黃奕晨 等出席。眾人先上台chit chat，姜濤還獻唱劇集主題曲《I Need You In My Li(f)e》。 司儀Sarika（ #蔡宛珊 ）邀眾演員分享最無用的謊言，姜濤重提「五分鐘事件」，事緣他以往每次延誤，總說五分鐘：「但過咗七八分鐘之後，『一分鐘！畀多一分鐘！』但而家話五分鐘就真係五分鐘。」 大表則爆姜濤另一秘密，他說：「姜濤出道到而家不停咁話要去廁所，長期都係，間唔時三個字（15分鐘）就話要去廁所。我唔知佢係咪謊言，可能佢入去自己喘息下咁樣。」Sarika問：「係咪真係去廁所？」姜稱是，Sarika就謂：「所以係每三個字去一去廁所！」姜反擊無從，大表嘆氣：「而家啲後生真係…」 ︱黃奕晨無用的謊言 同阿媽講夠錢使︱ 邱頌偉的分享亦跟姜濤有關，有次排戲，他用力壓下姜濤的頭，「一躓落去，有人同我講：『佢個頭你唔好整亂呀，整亂又要set十分鐘喇！』」他一臉為難謂：「佢（姜）同我講冇所謂喎，咁點呀？」大表解圍道：「佢係冇所謂，導演有所謂。」 黃奕晨憶述謂，有次母親問他錢夠用嗎，當時他答道：「Ok啦冇問題！夠，夠！」黃奕晨苦笑：「幾心酸，所以，搵多啲我做嘢！多謝多謝！」姜濤也分享一個「說謊的教訓」，「中學鍾意一個女仔，阿媽feel到，有日約我喺學校附近行下，問我係咪有鍾意嘅人，我話冇呀。咁啱隔籬有個同學：『姜濤，阿邊個邊個（姜暗戀的同學）喺嗰邊喎！』篤爆咗我，結果阿媽每日都問，好想搵嗰個女仔係邊個。」 ︱大表自言劇中表現差：基本功都做得唔好︱ 受訪期間，大表自言劇中表現欠佳，念對白節奏、表達方式等基本功都做得不好，100分滿分只給自己60分。「我覺得好差，我講真，好多地方做得好差，每次睇番都覺得自己可以做好啲。」表明沒有藉口：「總之出到嚟，自己做得唔好就係做得唔好。」姜自評59分，他說：「我就係再基本啲嘅嘢，要摵甩『姜濤』呢件事先，好多角色都係我自己影子比較多。身為演員，一定要摵咗自己所有嘢先。」 談到有些場口儼如姜濤「本色演出」，如扮大雄哥、在市集叫賣兩場。姜承認脫離角色，他說：「嗰下純粹想冇咁尷尬，同埋唔係好知道文祖和（角色名）應該點樣叫賣，而家睇番就知唔應該咁樣做，真係唔好咁開心，因為佢（文）冇可能咁快接觸到咁多人就咁開心。」 ︱大表度BL情節：幫姜濤刷背︱ 大表姜何時再合作拍劇，大表稱沒所謂，「 #有嘢做我就好感恩 。」姜補充：「同Stanley做嘢我好感恩。每次同佢一齊都學到好多嘢。」大表笑：「繼續『做』我啦！今日肉隨砧板上。」會否考慮BL劇？姜搶著說對方不會介意，大表搖頭苦笑：「好開心，諗起都興奮。」 問及可接受的BL場口，大表呈放棄狀態謂：「你哋諗到咩場口咪咩場口囉（笑），幫佢刷下背脊咁囉。」姜即說：「都係做番我哋平時做嘅嘢啫！」眾人嘩然，大表解釋：「可能劇情講佢整親隻手，搲唔到背脊，所以幫佢刷背。」姜再說：「仲有好多嘢做唔到…」大表眼神充滿疑問，姜即縮：「冇嘢呀！食飯！」 大表謂《 #IT狗2 》戲份前晚煞青，續集Marcus跟Pay Pay Duck團員「gwaang」多點：「今次同小龍（ #凌文龍 ）佢哋一齊，同小龍同場都好多，佢喺劇入面真係太搞笑。」姜濤則表示今年重心放在音樂方面，拍劇方面則不論主角與否亦願一試。 ︱Fans爭執事件 姜濤無奈： 我哋真係冇辦法做啲乜嘢︱ 日前姜濤、AnsonLo 盧瀚霆（阿撈）及Edan呂爵安在海港城出席品牌活動，場地為三家fans劃分專屬區域﹐惟多名「疑似」神徒（撈fans）走入姜糖區域前排；即使姜糖及保安多番要求離開亦充耳不聞。其間雙方發生口角，有人聲稱有肢體碰撞，最後報警求助。警方要求涉事者出示身份證﹐有人拒絕合作，遭帶署調查﹐警員又要求非姜糖的fans「自動自覺」離開姜糖區域。 事後撈在IG Story表示，對於fans全力應援感到很窩心，「同時真的不希望大家會因為我的存在而吵架、不開心自己有做得不好。」續謂一直希望分享正能量和快樂，「而我知道屬於我的都是乖巧的」。他稱能做到的就是繼續做好自己的工作，做個好榜樣，「哪怕只是一丁點的進步。今天辛苦你們每一位。」 姜濤昨晚被問此事，沉吟道：「老實講，呢啲嘢我哋真係冇辦法做啲乜嘢。唯一可以講嘅係，希望大家開開心心嚟支持我哋就好。大家都係想開心。」今晚他將與撈現身澳門同台表演，席上還有多位韓星，包括TVXQ!、BTOB、RAIN等等。姜說：「如果個表演做得唔好就真係會影響心情。」另姜在TG group請 #私追 不要來看他比賽，他解釋：「純粹我覺得自己打得唔好好樣衰，希望大家唔好嚟睇。」 #娛壹".
Mewe 香港娛樂