娛壹 as1.entertainment on Instagram: "Tyson《1994》拍「MK版」 游學修收黃秋生電話 做中間人： 希望兩個小朋友唔好鬧交 罕有與Jessica情侶檔 「情敵」Billy Choi同場做啦啦隊 #游學修 與女友 #Jessica（#陳苡臻）到旺角擔任「啪啪啪大使」見證世界紀錄誕生，同場仲有「情敵」#BillyChoi（#蔡承恩），由情侶檔變情敵檔，不過兩人鬥啪啪啪（撳氣泡紙機）竟然同分，兼輸俾達哥，搣唔甩「亞修」宿命。 今次罕有地情侶檔，但Jessica表明下個月金像獎不會陪阿修行紅地毯。至於早前與Billy飛日本拍MV，配合雙方伴侶刪IG相，扮分手扮到9成真，Billy多謝女友配合：「我唔係第三者，做戲啫，冇意料到會有風波，女友都係為咗我好，配合宣傳刪相，多謝佢。」Billy剛於旺角麥花臣完成首次個人演唱會，希望之後陸續再出歌。至於游學修，就落閘講明如果以後Jessica出情歌，不會配合在IG放閃：「唔係咁好囉，我驚累咗佢呀！同我放閃冇乜幫助，佢搵其他男主角着數啲。」 之前阿修在 #Tyson《1994》MV做反派，他透露好快會有「MK版」上架，亦會有其他驚喜客串。之前 #黃秋生 睇完MV，先形容MV冇故事性，又指女主角（阿Cloud）唔夠飢餓，阿修指「MK版」《1994》冇受秋生影響：「佢有佢講啦，佢係咁，知佢咩事，其實我哋私下有聯絡。事後佢都有搵我哋溝通，驚報道有誤解，我又同Tyson溝通，又同秋生溝通，希望佢兩個小朋友唔好鬧交啦。」 秋生意見凶狠，不過阿修冇上心：「佢冇踩我呀，所以係Tyson唔開心，唔關我事呀！就算踩我都冇所謂，之前排戲喺佢身上學到好多嘢，踩都係非常小事嚟。」他謂只有信心繼續做亞修，冇信心促成Tyson同秋生一齊唱歌：「程老闆咁有商業頭腦，佢提出得應該有啲想法，佢唔提出我非常理解。」阿修樂意為Tyson繼續演出，但提出條件：「佢炸佢哋嘢好喇，車我得一架！」 #娛壹"

1,868 likes, 3 comments - as1.entertainment on March 29, 2025: "Tyson《1994》拍「MK版」 游學修收黃秋生電話 做中間人： 希望兩個小朋友唔好鬧交 罕有與Jessica情侶檔 「情敵」Billy Choi同場做啦啦隊 #游學修 與女友 #Jessica（#陳苡臻）到旺角擔任「啪啪啪大使」見證世界紀錄誕生，同場仲有「情敵」#BillyChoi（#蔡承恩），由情侶檔變情敵檔，不過兩人鬥啪啪啪（撳氣泡紙機）竟然同分，兼輸俾達哥，搣唔甩「亞修」宿命。 今次罕有地情侶檔，但Jessica表明下個月金像獎不會陪阿修行紅地毯。至於早前與Billy飛日本拍MV，配合雙方伴侶刪IG相，扮分手扮到9成真，Billy多謝女友配合：「我唔係第三者，做戲啫，冇意料到會有風波，女友都係為咗我好，配合宣傳刪相，多謝佢。」Billy剛於旺角麥花臣完成首次個人演唱會，希望之後陸續再出歌。至於游學修，就落閘講明如果以後Jessica出情歌，不會配合在IG放閃：「唔係咁好囉，我驚累咗佢呀！同我放閃冇乜幫助，佢搵其他男主角着數啲。」 之前阿修在 #Tyson《1994》MV做反派，他透露好快會有「MK版」上架，亦會有其他驚喜客串。之前 #黃秋生 睇完MV，先形容MV冇故事性，又指女主角（阿Cloud）唔夠飢餓，阿修指「MK版」《1994》冇受秋生影響：「佢有佢講啦，佢係咁，知佢咩事，其實我哋私下有聯絡。事後佢都有搵我哋溝通，驚報道有誤解，我又同Tyson溝通，又同秋生溝通，希望佢兩個小朋友唔好鬧交啦。」 秋生意見凶狠，不過阿修冇上心：「佢冇踩我呀，所以係Tyson唔開心，唔關我事呀！就算踩我都冇所謂，之前排戲喺佢身上學到好多嘢，踩都係非常小事嚟。」他謂只有信心繼續做亞修，冇信心促成Tyson同秋生一齊唱歌：「程老闆咁有商業頭腦，佢提出得應該有啲想法，佢唔提出我非常理解。」阿修樂意為Tyson繼續演出，但提出條件：「佢炸佢哋嘢好喇，車我得一架！」 #娛壹".