電影 - Parthenope - 拿坡里的美麗傳說

你會唔會發覺成日都唔知啲靚女喺度諗緊乜，定係其實你已經俾佢嘅靚迷住咗，無論點你都係咁鍾意佢。

若果「她」係一個你唔捨得離開嘅地方呢？

睇見嗰個鏡頭焦距，睇見嗰個美倫美奐嘅美術景致，睇見嗰個運鏡方法，就知道係《羅馬浮世繪La grande bellezza》嘅導演Paolo Sorrentino嘅作品。今次故事係講一個1950年出世嘅美麗女子嘅一生，她被命名為拿玻里嘅古名：一個海妖嘅名字Parthenope，美麗不可方物卻不甘於利用美色生存，好智慧、渴望更有睿智嘅啟蒙，尋尋覓覓碰碰撞撞嘅生存。

不過其實與其話係一個女子一生嘅故事，其實可能係導演側寫哩個美麗嘅城市：拿玻里，歷史悠久，既愛且恨，卻糜爛不堪。

電影入邊有兩個問題成日都問，其中一個問題係好多人都會問女主角：「究竟你喺度諗緊啲乜嘢？」你有冇試過望住一個人，好想知佢諗緊啲乜嘢，因為你發覺已經愛上佢，但係佢眼裏就完全冇你。

但係如果同樣嘅問題，問嘅對象係一個城市，咁其實又會代表啲咩呢？不明嘅未來定係無奈嘅留戀呢？

好靚嘅電影，值得睇。

#電影 #意大利 #意大利電影