տեսնես ոնց ա լինում, որ ռուբեն վարդանեանը ամէն շաբաթ ադրբեջանի բանտից տուն ա զանգում ու ժողովրդին հաղորդագրութիւն փոխանցում, իսկ միւսներից ձայն չկայ։

#արցախ #ղարաբաղ #պատերազմ

Ըստ Փաշինյանի՝ ԼՂ-ն հայաթափելը առաջնային չէ, բայց տարհանման պատրաստ են

Լեռնային Ղարաբաղում իրադրության դրական դինամիկա կա. սեպտեմբերի 22-ի կառավարության նիստի մեկնարկին հայտարարեց վարչապետ Նիկոլ Փաշինյանը։ Ըստ նրա՝ սա նաև Լեռնային Ղարաբաղի գործընկերների գնահատականն է։

«Նկատի է առնվում, որ ԼՂ բնակավայրերի բնակիչները կարող են իրենց տները վերադառնալու իրական հնարավորություն ստանալ։ Իրավիճակը դինամիկ է ու փոփոխական, բայց կարևոր է, որ մենք ամեն պահի ունենանք ճշտված տեղեկություն այդ պասհի մասին։ Որոշակի հույսեր կան հումանիտար իրադրության բարելավման վերաբերյալ»,- հայտարարեց Փաշինյանը՝ չբացառելով, որ այսօր հումանիտար նշանակության ավելի շատ բեռներ կարող են մտնել Լեռնային Ղարաբաղ։ Նա ասաց՝ կան պայմանավորվածություններ հումանիտար բեռների տեղափոխման շուրջ, այդ գործընթացը կմեկնարկի թե ոչ՝ չի կարող ասել։

Ինչ վերաբերում է Լեռնային Ղարաբաղի բնակչության տարհանմանը, Նիկոլ Փաշինյանն ասաց. «ՀՀ տեղափոխման հետ կապված մենք գնահատում ենք, որ դա կարող է տեղի ունեալ այն պայմաններում, երբ արձանագրվի մեր հայրենակիցների մնալու անհնարինությունը։ Այս պահին այդ անհնարինությունը առկա է, եթե իրավիճակը չբարելավվի, այդ խնդիրը բոլորի օրակարգում կլինի»։

Նա շարունակեց, որ սա համաձայնեցված է Լեռնային Ղարաբաղի գործընկերների հետ։

«Մեր պլան Ա-ն ԼՂ-ն հայաթափելը չէ, մեր գործողություններում ամեն ինչ պիտի անենք, որ մեր հայրենակիցները իրենց տներում առանց վախի, անվտանգ ու արժանապատիվ ապրելու հնարավորություն ունենան»,- հայտարարեց Փաշինյանը։

Նա հիշեցրեց, որ սեպտեմբերի 19-ին Հայաստանը պատրաստվել է Լեռնայիին Ղարաբաղի բնակչության՝ ՀՀ տեղափոխման սցենարին, նախապատրաստվել է՝ որտեղ են տեղափոխվելու արցախցիները, ինչ աջակցություն է ցուցաբերվելու և այլն։

The post Ըստ Փաշինյանի՝ ԼՂ-ն հայաթափելը առաջնային չէ, բայց տարհանման պատրաստ են appeared first on CIVILNET.

#արցախ #թոփ #լրահոս #հայաստան #քաղաքականություն #ղարաբաղ #տարհանում #փաշինյան

Չբարձրաձայնվող երկխոսությունը

#առավոտօրաթերթ #լուրեր #խմբագրական #ադրբեջան #արցախ #լղհ #հայաստան #ղարաբաղ #շառլմիշել

Հասանք սեփական ինքնությունը մերժելուն

#առավոտօրաթերթ #խմբագրական #արցախ #խաղաղությանօրակարգ #ղարաբաղ

Արարատ Միրզոյանը Վիկտորյա Նուլանդի հետ քննարկել է ղարաբաղյան հարցը

Մայիսի 2-ին աշխատանքային այցով ԱՄՆ-ում գտնվող ԱԳ նախարար Արարատ Միրզոյանը հանդիպում է ունեցել ԱՄՆ պետքարտուղարի քաղաքական հարցերով տեղակալ Վիկտորիա Նուլանդի հետ:

«Արձանագրվել է ՀՀ-ԱՄՆ հարաբերությունների զարգացման բարձր դինամիկան և նշվել, որ 2019 թվականից համագործակցությունը բարձրացվել է նոր՝ Ռազմավարական երկխոսության մակարդակի։ Կողմերը պատրաստակամություն են հայտնել առավել ամրապնդելու տարբեր ոլորտներում հաստատված արդյունավետ փոխգործակցությունը` հիմնված ժողովրդավարության, մարդու իրավունքների պաշտպանության, օրենքի գերակայության, կոռուպցիայի դեմ պայքարի ընդհանուր արժեհամակարգի վրա:

Արարատ Միրզոյանն ու Վիկտորիա Նուլանդը մտքեր են փոխանակել տարածաշրջանային անվտանգության ու կայունության հարցերի շուրջ։ Քննարկվել է Հայաստանի և Ադրբեջանի ղեկավարների միջև Սոչիում և Բրյուսելում ձեռք բերված պայմանավորվածությունների իրականացման ընթացքը։ Անդրադարձ է կատարվել Լեռնային Ղարաբաղում ստեղծված իրավիճակին, ինչպես նաեւ խաղաղության համապարփակ համաձայնագրի շուրջ Հայաստանի ու Ադրբեջանի միջև բանակցություններ սկսելու գործընթացին։ Այս համատեքստում Հայաստանի արտաքին գերատեսչության ղեկավարն առանձնակի ընդգծել է ԵԱՀԿ Մինսկի խմբի համանախագահության աշխատանքների վերսկսման կարևորությունը։

Քննարկվել են 44-օրյա պատերազմի հետևանքով առաջացած հումանիտար խնդիրները, մասնավորապես` հայ ռազմագերիների և այլ պահվող անձանց անհապաղ ազատ արձակման և հայրենադարձման, ադրբեջանական վերահսկողության տակ անցած տարածքներում հայկական մշակութային և կրոնական ժառանգության պահպանման հարցերը։

ՀՀ ԱԳ նախարարը ներկայացրել է Հայաստան-Թուրքիա հարաբերությունների կարգավորման գործընթացի հետ կապված վերջին զարգացումները»,- ասված է ՀՀ ԱԳՆ հաղորդագրությունում։

The post Արարատ Միրզոյանը Վիկտորյա Նուլանդի հետ քննարկել է ղարաբաղյան հարցը appeared first on CIVILNET.

#արցախ #թոփ #լրահոս #հայաստան #քաղաքականություն #արարատմիրզոյան #ղարաբաղ #վիկտորյանուլանդ

«Նիկոլի հայ-հայը գնացել, վայ-վայն է մնացել»․ Հայկ Մամիջանյան

#featured #լուրեր #քաղաքական #պատիվունեմխմբակցություն #հայկմամիջանյան #ղարաբաղ #ֆրանսիայիհրապարակ

Նրանք, ովքեր ասում էին Ղարաբաղը Հայաստան է, հիմա համաձայն են, որ Ղարաբաղն Ադրբեջան է. Ալիև

#լուրեր #միջազգային #ադրբեջան #իլհամալիեվ #հայաստան #ղարաբաղ

Փողոցի ճնշման տակ իշխանափոխությունն իրականացվելու է խորհրդարանում․ Վանեցյան

Ապրիլի 18-ին Ազատության հրապարակում ԱԺ «Պատիվ ունեմ» խմբակցության ղեկավար‎‎, Ազգային անվտանգության ծառայության նախկին տնօրեն Արթուր Վանեցյանը, խոսելով մանդատները վայր դնելու հանգամանքից, հայտարարեց, թե այդ մանդատներն իրենց պետք կգան իշխանափոխության ճանապարհին․ «Փողոցի ճնշման տակ իշխանափոխությունն իրականացվելու է խորհրդարանում ու այդ մանդատները մեզ պետք են գալու գործը ավարտին հասցնելու համար»,- ասաց Վանեցյանը։

Նիկոլ Փաշինյանի ելույթը, ըստ Արթուր Վանեցյանի, տարբեր որակումներ է ստացել, դա նաև «‎Հայաստանի երրորդ հանրապետության վերջին ելույթն էր»։ Այդ մասին ասաց ԱԺ «Պատիվ ունեմ» խմբակցության ղեկավար‎‎ը՝ հավելելով, որ նա որոշել է Ազատության հրապարակում իրականացնել անժամկետ բողոքի ակցիա՝ «‎հանուն Արցախի ու Հայաստանի անվտանգության, հայ ժողովրդի լինել չլինելու ու առհասարակ նրա համար, որ վերջ դրվի այս ամոթալի ժամանաշրջանին, որը բերել է Նիկոլ Փաշինյանի իշխանությունը»։

Վարչապետ Նիկոլ Փաշինյանը ապրիլի 13-ին Ազգային ժողովում Կառավարության ծրագրի 2021 թվականի կատարողականի զեկույցի քննարկմանն անդրադարձավ Արցախի կարգավիճակի հարցին՝ ընդունելով իր մեղքը հանրության հետ անկեղծ չլինելու հարցում․ «Մեղավոր եմ, որ 2018, 2019 թվականներին մեր հանրության առաջ չեմ կանգնել ու չեմ բարձրաձայնել, որ մեր բոլոր, կրկնում եմ բոլոր՝ հեռու եւ մոտիկ բարեկամները մեզնից ակնկալում են, որ մենք այս կամ այն կոնֆիգուրացիայով Ադրբեջանին հանձնենք 7 հայտնի շրջանները եւ իջեցնենք Արցախի կարգավիճակի համար մեր սահմանած նշաձողը»,- հայտնեց երկրի ղեկավարը՝ հավելելով, որ «այսօր միջազգային հանրությունը կրկին ասում է. մի փոքր իջեցրեք Լեռնային Ղարաբաղի կարգավիճակի հարցում ձեր նշաձողը և միջազգային մեծ կոնսոլիդացիա կապահովեք Հայաստանի և Արցախի շուրջ»:

Վանեցյանը Ազատության հրապարակում այսօր հայտարարեց, որ ինքն այլևս անելիք չունի այն խորհրդարանում, որտեղ ասում են, որ «Արցախը պետք է լինի Ադրբեջանի կազմում»։

ԱԱԾ նախկին տնօրենի խոսքով՝ իր պայքարը հանուն իշխանության չէ, պարզապես իշխանափոխությունը միջոց է հասնելու վերջնական նպատակին, «այն է՝ հզոր Հայաստան ու Արցախ»։

Ըստ նրա՝ «Նիկոլ Փաշինյանն ու իր թիմակիցները երկիրը տանում են պատերազմի», իսկ իրենց իշխանության գալով՝ պատերազմ չի լինելու։ Վանեցյանի խոսքով՝ «խաղաղության պայմանագիր պետք է լինի, սակայն ոչ այն օրակարգով, որն այսօր դրված է սեղանին», այսինքն՝ ադրբեջանական հինգ կետերի հիմքով։

Վարչապետ Նիկոլ Փաշինյանը վաղը՝ ապրիլի 19-ին, մեկնելու է Մոսկվա։ Երկօրյա պաշտոնական այցի շրջանակներում նախատեսվում է հանդիպում ՌԴ նախագահ Վլադիմիր Պուտինի հետ: Վանեցյանը կարծիքով՝ այցի շրջանակներում Արցախի վերաբերող փաստաթուղթ չի ստորագրվի։

Արթուր Վանեցյանը իր բողոքի ակցիան մեկնարկել է կիրակի օրվանից՝ հայտարարելով, որ Ազատության հրապարակը չի լքի, քանի դեռ չի հասել իր նպատակներին։

Խորհրդարանական ընդդիմության մյուս ներկայացուցիչներն էլ հայտնել են, թե իրենք շուտով մեկնարկում են ապակենտրոն բողոքի ակցիաներ, որոնց նպատակն է հասնել իշխանափոխության ու թույլ չտալ, որ Հայաստանը զիջումների գնա Արցախի հարցում։

Գևորգ Թոսունյան

The post Փողոցի ճնշման տակ իշխանափոխությունն իրականացվելու է խորհրդարանում․ Վանեցյան appeared first on CIVILNET.

#թոփ #լրահոս #քաղաքական #armenia #ադրբեջան #արցախ #խաղաղությանպայմանագիր #հայաստան #ղարաբաղ #նիկոլ #վանեցյանըփողոցում #վանեցյաննընդդեմփաշինյանի #փաշինյան #փողոցայինպայքա

ՀՅԴ Բյուրոյի արձագանքը՝ Արցախի վերաբերյալ Փաշինյանի հայտարարություններին

**Հայ հեղափոխական դաշնակցություն կուսակցության բյուրոն արձագանքել է վարչապետ Նիկոլ Փաշինյանի՝ Արցախի կարգավիճակի և Ադրբեջանի հետ բանակցությունների մասինհայտարարություններին։ **

«2022թ. ապրիլի 13-ին ՀՀ ԱԺ ամբիոնից իր ելույթի ժամանակ Նիկոլ Փաշինյանի ինքնախոստովանական ցուցմունքները եւ Հայաստան-Ադրբեջան, Հայաստան-Թուրքիա հարաբերությունների, Արցախի ու Հայաստանի Հանրապետության անվտանգային խնդիրների վերաբերյալ հայտնած դիրքորոշումները, փաստերի եւ իրողությունների նենգափոխումները վերջնականապես բացահայտեցին վարչապետի պաշտոնը զբաղեցնողի ու իր վարչախմբի քաղաքական եւ բարոյական սնանկությունը։

Այլևս կասկածից վեր է, որ Նիկոլ Փաշինյանը կայացրել է Արցախը Ադրբեջանին հանձնելու եւ թուրք-ադրբեջանական տանդեմի պահանջները բավարարելու ազգակործան որոշում:

Սակայն ո՛չ Նիկոլ Փաշինյանը, ո՛չ էլ որևէ քաղաքական ուժ կամ անձանց խումբ չունի որևէ մանդատ Արցախի և արցախահայության փոխարեն կայացնելու նրանց ճակատագրի վերաբերյալ նման որոշում:

Ներկայացվող «խաղաղության» օրակարգը իրականում միտված է վարչախմբի իշխանությունը երկարաձգելուն եւ հանգեցնելու է Արցախի եւ Հայաստանի համար լրջագույն սպառնալիքների, անվտանգային նոր մարտահրավերների, նոր պատերազմի, նոր կորուստների, նոր զոհերի ու նոր կապիտուլյացիայի։ Արցախյան վերջին պատերազմի ընթացքում եւ դրանից հետո իշխանությունների ապաշնորհ ու ձախող վարքագիծը եւ տեղի ունեցող գործընթացները դրանց վառ վկայությունն են։

Ստեղծված ծանրագույն իրավիճակում բեկում կարող է առաջանալ, երբ համազգային ներուժի մեկտեղմամբ դիմադրություն ցույց տրվի դավադիր պայմանավորվածություններով ու սպառնալիքներով հայ ժողովրդին պարտադրվող օրակարգերին: Հայաստանի գործող իշխանության հեռացումը և բանակցողի փոփոխությունը իրավիճակից դուրս գալու առաջին քայլն է:

Առ այդ,

1. Միջազգային հանրության, այդ թվում ԵԱՀԿ Մինսկի խմբի համանախագահ երկրների ուշադրությանն ենք հանձնում, որ Նիկոլ Փաշինյանի կողմից ուղղակի կամ անուղղակի, բանավոր կամ գրավոր ձևով Արցախը Ադրբեջանի ենթակայությանը հանձնելու որևէ հանձնառություն լեգիտիմ չէ եւ առ ոչինչ է: Արցախի ժողովրդի` իր բնօրրանում ինքնորոշվելու իրավունքն ամրագրված է միջազգային իրավական ակտերով, ինչը ԵԱՀԿ Մինսկի խմբի շրջանակներում, 2007 թվականից, որպես սկզբունք դրված է արցախյան հակամարտության խաղաղ կարգավորման հիմքում:

2. Ուղերձ ենք հղում հայ ժողովրդին դիմագրավելու ներքին ու արտաքին բոլոր սպառնալիքներին, չհուսահատվելու, չհամակերպվելու, լինելու միասնական, հավատալու սեփական ուժերին ու պայքարելու՝ հանուն հայ ազգի իրավունքների եւ շահերի: Տոկուն եւ անկոտրում արցախահայությանը վստահեցնում ենք որ հայ ազգը զորավիգ է իր արդա՛ր պայքարին։

3. Հավատարիմ իր առաքելությանը՝ Դաշնակցությունը իր համահայկական կառույցով վճռական է այս պայքարում լինելու և՛ առաջամարտիկ և՛ զինվոր: Միաժամանակ հայտնում ենք մեր պատրաստակամությունը համագործակցելու բոլոր նրանց հետ, ովքեր պատրաստ են պայքարելու հանուն արժանապատիվ ու անվտանգ Հայաստանի ու Արցախի»։

The post ՀՅԴ Բյուրոյի արձագանքը՝ Արցախի վերաբերյալ Փաշինյանի հայտարարություններին appeared first on CIVILNET.

#արցախ #լրահոս #հայաստան #քաղաքականություն #դաշնակցություն #հյդբյուրո #ղարաբաղ #նիկոլփաշինյան

«Միգուցե Քոչարյանի, Սերժ Սարգսյանի ձախողված փորձն էլ է պետք, որ հասկանաս՝ ինչու չստացվեց այդ տարիներին». Խաչատուր Սուքիասյան

#featured #լուրեր #քաղաքական #ադրբեջան #արշակսադոյան #արցախիհարց #խաչատուրսուքիասյան #ղարաբաղ #նիկոլփաշինյան